Eleccións municipais 2023

O BNG arrancou a campaña electoral, a carreira cara ao 28 de maio, cunha apelación ás coruñesas e aos coruñeses: A Coruña xa experimentou gobernos liderados por partidos de distinto signo sen estes lle daren o impulso que necesita. A apelación -que as coruñesas e coruñeses lle dean agora unha oportunidade ao BNG- fíxoa Francisco Jorquera, quen diante da Casa Cornide descubriu o cartaz no que aparece o seu rostro como candidato do BNG á Alcaldía da Coruña nun acto ao que asistiu un nutrido grupo de persoas e integrantes da candidatura nacionalista, entre os que se atopaban, entre outras e outros, Avia Veira, Mercedes Queixas, David Soto, Ignacio Siota e Jorge Castro, números 2, 3, 4, 5 e 7 da candidatura, respectivamente.

O candidato do BNG á Alcaldía, Francisco Jorquera, acudiu á convocatoria do Foro Cívico para ofrecer unha conferencia, con coloquio posterior, sobre o proxecto de cidade que a formación nacionalista está a defender con vistas ás eleccións do 28 de maio.

O programa electoral do BNG para o 28 de maio é “moito máis que un programa electoral”. “É un proxecto de cidade sobre A Coruña do futuro que queremos construír contando coa participación das coruñesas e coruñeses. E é un programa de goberno –por iso non é un programa reivindicativo, senón propositivo- porque concorremos ás eleccións coa vontade de ser alternativa, de liderar a cidade”.

A Agra do Orzán acolleu este domingo a cuarta sesión vermú da precampaña do BNG. Moita animación, boa música –a do grupo indie pop Leria- e unha breve intervención de Francisco Jorquera que xirou basicamente arredor das necesidades dun barrio que é dos máis densamente poboados de Europa e que carece de múltiples equipamentos públicos, entre eles un parque merecente de tal nome.

“Reverdecer A Coruña”. Ese será un dos obxectivos do Goberno Local que aspira a liderar o BNG a partir do 28 de maio, anunciou este sábado o candidato nacionalista á Alcaldía, Francisco Jorquera.

O candidato do BNG á Alcaldía da Coruña, Francisco Jorquera, mantivo esta mañá un encontro con mozas e mozos universitarios na cafetería da Facultade de Dereito da UDC. Foi un coloquio moi animado, con moitas ideas sobre a mesa das que o noso candidato tomou boa nota.

A número 3 da candidatura do BNG, Mercedes Queixas, avanzou hoxe que o Goberno Local que se propón liderar o Bloque a partir do 28 de maio “quere acompañar as creadoras e creadores de cultura da nosa cidade en todo o seu proceso creativo, desde a orixe até o momento de expoñelo ao público.

Unha das primeiras medidas que adoptará o BNG, a partir do próximo 28 de maio desde o Goberno Local, será a redacción dun Plan de Inclusión Social, anunciouno a concelleira e número 2 da candidatura do Bloque, Avia Veira, nun encontro con activistas e colectivos do terceiro sector que tivo lugar no salón de actos do Circo de Artesáns.

A Coruña arrastra un importante déficit de instalacións deportivas que non se deu arranxado nos últimos mandatos, polo que o BNG propón un plan de investimentos que melloren significativamente os equipamentos de que dispón o Concello.

O BNG vai denunciar o Goberno Local ante a Xunta Electoral de Zona pola súa decisión de convocar a Cea do Deporte o 5 de maio, apenas uns días antes do comezo da campaña das eleccións municipais.