Bloque Nacionalista Galego da Coruña Francisco Jorquera

Francisco Jorquera
Novas
Presentación Forza Coruña BNG

Forza Coruña, o lema da nosa campaña

14/abr./2023
Forza Coruña vai ser o lema co que concorra o BNG na campaña das eleccións municipais, anunciouno esta mañá nunha comparecencia ante os medios o candidato do Bloque á Alcaldía da Coruña, Francisco Jorquera.
Ler novas
Novas
Escanos

O Pleno aproba por unanimidade a moción do BNG para investigar as responsabilidades das concesionarias no caso STL

13/abr./2023
O Pleno de abril aprobou por unanimidade a moción do BNG –defendida polo seu portavoz, Francisco Jorquera- para que o Goberno Local promova unha investigación arredor do caso STL con dous propósitos básicos: saber se as concesionarias dos servizos de recollida de lixo e de limpeza delegaron nese grupo a política de persoal e para determinar se, nesta última contrata, a folga de xuño de 2022 foi pactada entre a empresa e o autodenominado como sindicato.
Ler novas
Novas
Jorquera en Ascega 2

O tempo medio de xestión dunha licenza por parte do Concello non debería superar os 3 meses

09/abr./2023
O candidato do BNG á Alcaldía, Francisco Jorquera, rexistrou unha batería de preguntas por escrito cun propósito claro, o de emprazar o Goberno Local a que tome as medidas precisas para axilizar a tramitación de licenzas por parte do Concello.
En concreto, o portavoz do Bloque insta o Goberno Local a que impulse “todas as medidas necesarias para que o tempo medio de xestión de licenzas non supere a barreira dos tres meses”.
Ler novas
Novas
Conferencia de prensa Jorquera sobre o STL

Jorquera pide unha investigación sobre o STL e pon sobre a mesa a rescisión do contrato das concesionarias

04/abr./2023
O portavoz do BNG no Concello, Francisco Jorquera, vai defender unha moción no Pleno do vindeiro 13A por medio da cal insta o Goberno Local a que abra unha investigación sobre o caso STL coa perspectiva de, se ficaren probados os feitos obxecto das pesquisas, “exercer coa máxima contundencia a potestade sancionadora, incluída a rescisión dos contratos de concesión”.
Ler novas
Novas
Cemiterio_de_Santo_Amaro_(2)

Un rogo oral para que non volva haber esperas de case 20 días para enterrar as cinzas dun ser querido en Santo Amaro

28/mar./2023
Ante a denuncia feita por un veciño da Coruña nas redes sociais –el e a súa familia tiveron que agardar 19 días para dar sepultura ás cinzas da súa avoa no cemiterio de Santo Amaro- o portavoz do BNG no Concello Francisco Jorquera rexistrou este martes un rogo oral para o Goberno Local reforzar o servizo de cemiterios e así “evitar o sufrimento e as longas agardas das familias que queren darlle o último adeus a persoas queridas”.
Ler novas
Vídeo
Jorquera chama a coller impulso e dar o salto

Jorquera chama a coller impulso e dar o salto

27/mar./2023

“Os gobernos municipais do BNG son exemplo de solvencia, capacidade e bo facer. E todo ese bo facer querémolo poñer ao servizo da Coruña, para lle dar o impulso que a cidade precisa”, afirmou, durante a súa intervención no Encontro Nacional Municipal do Bloque, o candidato nacionalista á Alcaldía, Francisco Jorquera.

A Coruña vive nun certo estancamento. Non porque a sociedade coruñesa non teña vigor ou forza, senón porque durante estes catro anos non atopou un aliado no Goberno Local. O obxectivo do BNG é liderar a cidade para lle dar o impulso que necesita, argumentou Jorquera ao tomar a palabra perante un ateigado auditorio no Pazo de Congresos de Santiago de Compostela.

“Coller impulso e dar o salto, dicía un poema de Lois Pereiro. Fagámolo: collamos impulso na Coruña e deamos o salto!”, proclamou o candidato nacionalista.

 

Ler novas