A explicación que lle deron ao veciño para xustificaren tantos días de espera é que no cemiterio de Santo Amaro só se autorizan dous enterros de cinzas ao día, norma que se mantén mesmo nos días en que non se dá sepultura a ningún ataúde.

“Esta maneira de organizar o tempo provoca que moitas persoas teñan que agardar máis de 19 días para despedir os seus seres queridos”, anota Jorquera no texto dun rogo oral que rexistra para a súa lectura no Pleno do vindeiro 11 de abril. Lamenta o portavoz nacionalista tamén a falta de empatía que o veciño observou na actitude dos responsábeis municipais ante tan longa espera por parte da familia.

Insta finalmente Jorquera a Concellaría de Medio Ambiente a que “se reformule a organización dos tempos do Servizo de Cemiterios” para evitaren que episodios como o aquí relatado se reproduzan.