Francisco Jorquera

O galego non é só o principal signo de identidade da sociedade galega –e, por tanto, tamén da coruñesa-, senón que é un activo de primeiro orde e sostén dunha industria cultural que na cidade da Coruña é “moi potente”.

Unha cidade metropolitana con vocación de ser motor económico e capital cultural do país. Ese é en esencia o proxecto de cidade que debullou o candidato do BNG á Alcaldía no debate da TVG. Jorquera defendeu con firmeza as súas posicións, mais á vez mostrou mesura e serenidade fronte a un candidato do PP que, visibelmente nervoso, o interrompeu en varias ocasións e unha candidata do PSOE que se limitou a facer un exercicio de autocompracencia.

Na Galiza en xeral e na Coruña en particular hai xente –moita dela nova, moita dela neofalante- que ten o galego como medio de expresión e de creación artística e tamén de riqueza.

"É o barrio da miña vida. Aquí me criaron meus pais. Aquí decidín fixar a miña residencia", dixo Mercedes Queixas ao presentar a quinta sesión vermú do BNG. "Sinto este barrio como meu. Aquí pasei a miña nenez. Aquí pasei a miña mocidade. Aquí residiu miña nai até o seu falecimento", apuntou Jorquera. Houbo emoción, boa música -Leria nunca falla-, houbo propostas políticas e, sobre todo, houbo tempo para, caña e vermú mediantes, o convivio e a confraternización.

O candidato do BNG á Alcaldía, Francisco Jorquera, visitou esta mañá o Mercado de Elviña da man do presidente das súas praceiras e praceiros, Leonardo Tomé.

“Que pode facer o Concello para que A Coruña sexa o grande motor económico de Galiza?”, preguntouse o candidato do BNG á Alcaldía, Francisco Jorquera, no curso do almorzo que mantivo esta mañá coa directiva da Asociación de Empresarias da Coruña, AECO, encabezada pola súa presidenta, Ana Ulloa

O BNG arrancou a campaña electoral, a carreira cara ao 28 de maio, cunha apelación ás coruñesas e aos coruñeses: A Coruña xa experimentou gobernos liderados por partidos de distinto signo sen estes lle daren o impulso que necesita. A apelación -que as coruñesas e coruñeses lle dean agora unha oportunidade ao BNG- fíxoa Francisco Jorquera, quen diante da Casa Cornide descubriu o cartaz no que aparece o seu rostro como candidato do BNG á Alcaldía da Coruña nun acto ao que asistiu un nutrido grupo de persoas e integrantes da candidatura nacionalista, entre os que se atopaban, entre outras e outros, Avia Veira, Mercedes Queixas, David Soto, Ignacio Siota e Jorge Castro, números 2, 3, 4, 5 e 7 da candidatura, respectivamente.

O candidato do BNG á Alcaldía, Francisco Jorquera, acudiu á convocatoria do Foro Cívico para ofrecer unha conferencia, con coloquio posterior, sobre o proxecto de cidade que a formación nacionalista está a defender con vistas ás eleccións do 28 de maio.

O programa electoral do BNG para o 28 de maio é “moito máis que un programa electoral”. “É un proxecto de cidade sobre A Coruña do futuro que queremos construír contando coa participación das coruñesas e coruñeses. E é un programa de goberno –por iso non é un programa reivindicativo, senón propositivo- porque concorremos ás eleccións coa vontade de ser alternativa, de liderar a cidade”.

A Agra do Orzán acolleu este domingo a cuarta sesión vermú da precampaña do BNG. Moita animación, boa música –a do grupo indie pop Leria- e unha breve intervención de Francisco Jorquera que xirou basicamente arredor das necesidades dun barrio que é dos máis densamente poboados de Europa e que carece de múltiples equipamentos públicos, entre eles un parque merecente de tal nome.