Novas

Castellón alcanzou sona por ter un aeroporto sen avións. Pois ben, A Coruña ten algo semellante: un complexo deportivo, o do Castrillón, construído hai 4 anos e que alberga na súa planta baixa un supermercado. Un Complexo Deportivo que permanece fechado ao público, sen ter aínda rematadas as súas instalacións, sen ter sido dotado de persoal nin de equipamento necesario.

Ao BNG prodúcelle unha “grande preocupación” a “ausencia dun proxecto cultural digno de tal nome por parte do Goberno Local”, di a concelleira nacionalista Avia Veira.

O grupo municipal do BNG pídelle á alcaldesa que na cimeira do próximo mércores 5 de maio sobre o futuro do porto exprese a súa oposición á proposta da Xunta en relación aos peiraos de Batería e Calvo Sotelo.

Máis de mil persoas foron esta mañá en manifestación polas rúas da cidade, desde a Praza da Palloza até María Pita, contra o ERTE decretado por Repsol na refinaría. Canda elas marcharon Francisco Jorquera e Avia Veira, ben como a deputada Mercedes Queixas e os tamén parlamentares Ramón Fernández Alfonzo 'Mon' e Daniel Castro. A mobilización foi un clamor contra un ERTE inxusto e non xustificado. O Ministerio de Traballo e Xunta non o deberían desouvir.

O Bloque Nacionalista Galego lanza unha ofensiva política para frear o ERTE anunciado por Repsol para a Refinaría da Coruña (atinxiría 212 traballadoras e traballadores, 31% do cadro de persoal). Así, no Concello o grupo municipal vai impulsar unha Declaración Institucional no vindeiro Pleno do 6 de maio, en tanto que no Parlamento galego a formación nacionalista defenderá unha proposición non de lei na sesión plenaria da cámara o próximo martes 4M.

O grupo municipal do BNG vaille pedir explicacións a Inés Rey no próximo Pleno do Concello pola “nova crise na Concellaría de Cultura”, que se materializou coa demisión do director de área. Será a través dunha pregunta oral que formulará a concelleira nacionalista Avia Veira.

O deputado do BNG no Congreso, Néstor Rego, reclámalle ao Ministerio de Traballo que investigue as causas alegadas por Repsol na planta de refinaría da Coruña para acollerse a un ERTE dunha duración previsíbel de 6 meses. A formación nacionalista destaca que a información dada pola empresa até o momento só fai referencia a causas de produción. Rego remarca que se estas non se acreditaren adecuadamente estaríamos perante un Expediente de Regulación Temporal de Emprego fraudulento.

A Comisión Especial do Bordo Litoral reuniuse esta mañá no Pazo de María Pita e no seu transcurso a concelleira do BNG Avia Veira defendeu que o Estado comprometa recursos propios para garantir o enlace ferroviario a Punta Langosteira perante a eventualidade de que finalmente non se materializase a concesión dos fondos Next Generation, ao tempo que criticou o Goberno Local pola súa “indefinición” perante a proposta lanzada pola Xunta sobre os peiraos de Batería e Calvo Sotelo.

O BNG, conxuntamente co resto de grupos municipais da oposición, rexistrou este luns unha solicitude de visita ás instalacións da planta de tratamento de residuos sólidos urbanos de Nostián.

O grupo municipal do BNG comprometeuse hoxe coa Asociación de Veciños “Os nosos lares” de Palavea, coa que mantivo unha reunión en María Pita, a levar a pleno unha moción para o Goberno Local negociar coa Sareb a cesión dos 52 pisos que esta entidade decidiu sacar a poxa pública.