Novas

O portavoz do BNG en María Pita, Francisco Jorquera, e tres integrantes do grupo parlamentar nacionalista –Mercedes Queixas, Daniel Pérez e Ramón Fernández Alfonzo ‘Mon’- estiveron presentes esta tarde na concentración convocada por traballadoras e traballadores da refinaría contra o ERTE que Repsol quere aplicar a un terzo do cadro de persoal da planta.

Eis a valoración que encamiñamos aos medios sobre a cimeira tripartita Xunta-Estado-Concello en relación ao porto da Coruña, interior e exterior.

O portavoz do Goberno Local, José Manuel Lage, deixou sen resposta preguntas moi concretas formuladas esta tarde no Pleno por Francisco Jorquera en relación ás xestións realizadas pola alcaldesa, Inés Rey, sobre empresas da Coruña en perigo de fechamento (Alcoa) ou de deslocalización a Madrid (Naturgy).

O Pleno de Abril do Concello da Coruña aprobou as tres mocións formuladas polo Bloque Nacionalista Galego, a relativa ao Barrio das Flores por unanimidade e as referidas aos abusos bancarios e a modernización dos camiños de ferro A Coruña-Ferrol por maioría, con abstención do PP e, no último caso, tamén da concelleira non adscrita.

Un emprazamento a Feixoo para que "actúe como presidente do Goberno galego e non como promotor inmobiliario". Outro a Inés Rey par que "sexa firme á hora de esixir a condonación da débeda e o acceso ferroviario ao porto exterior". Nestes termos pronunciouse o noso portavoz en María Pita, Francisco Jorquera, durante a conferencia de prensa que partillou con Néstor Rego e Avia Veira.

O portavoz do BNG en María Pita, Francisco Jorquera, vai defender no Pleno do próximo 8A unha moción por medio do cal insta o Goberno Local a que desenvolva un Plan de Rehabilitación Integral do Barrio das Flores en diálogo coa veciñanza.

O noso voceiro en María Pita, Francisco Jorquera, estivo esta mañá na estación de ferrocarril de Betanzos-Infesta para, na compaña de Alicia Sánchez (voceira en Betanzos) e Iván Rivas (portavoz en Ferrol) arroupar o noso deputado no Congreso, Néstor Rego, quen lle presentou aos medios unha iniciativa para o Estado construír de vez un bypass en Betanzos que reduza en por volta de 20 minutos a viaxe entre A Coruña e Ferrol.

O portavoz do BNG en María Pita, Francisco Jorquera, avalía nestes termos a visita feita onte pola alcaldesa da Coruña á súa homóloga de Avilés: “Parécenos ben que respondendo a unha demanda dos traballadores se faga unha fronte común, mais este movemento chega tarde e é insuficiente”. O voceiro nacionalista insta Inés Rey a que se reúna canto antes coa ministra Reyes Maroto e o titular das competencias de Industria da Xunta, Francisco Conde”.

 

“Cal é a previsión do Goberno Local para o reforzo dos Servizos Sociais Municipais, así como das axudas e mecanismos de inclusión social municipais, de cara a afrontar as consecuencias da crise provocada pola Covid-19 neste ano e nos vindeiros?”, así reza o texto da pregunta oral que a concelleira do BNG, Avia Veira, vai dirixir ao executivo coruñés no Pleno do vindeiro 8 de abril.

Que pasa co porto da Coruña? Pois que, como mostramos neste vídeo, o Goberno do Estado está a discriminar gravemene a nosa cidade. Si condona a débeda da dársena valenciá, non o débito da nosa. Faino, ademais, perante a compracencia dun presidente da Xunta que nas últimas datas lonxe de denunciar esta aldraxe acaba de volver propor que o retorno ao convenio da vergoña de 2004 en virtude do cal se abría a billa para a venda, a privatización, de espazos portuarios. A billa para un novo pelotazo urbanístico.