Novas

Dúas mocións aprobadas por unanimidade (a que versaba sobre as demandas da veciñanza de Novo Mesoiro e a que pedía a cesión dos inmóbeis da Sareb ao Concello) e unha terceira, a que se opuña á venda dos peiraos unha vez que se desafecten dos seus usos portuarios, rexeitada ao prosperar unha emenda de substitución do PSOE cos votos tamén do PP. Así se saldou este xoves o Pleno de Maio no que ten a ver coas propostas defendidas polo grupo municipal do BNG.

A falta de coñecer máis polo miúdo os pormenores da reunión da Comisión Inter-Administrativa sobre o porto habida esta mañá en María Pita, o grupo municipal do BNG fai a seguinte avaliación:

3.000 vivendas, 7.500 persoas censadas. Ese é Novo Mesoiro. “Un barrio que ao longo destes anos demostrou un enorme dinamismo e un forte sentimento de identidade. Mais é tamén un barrio cunha clara conciencia, a de que os súas demandas e problemas non son tidas suficientemente en conta por parte do Concello”, entende Francisco Jorquera. O portavoz do BNG defenderá no Pleno deste vindeiro xoves unha moción coas demandas e problemas que lle trasladaron á formación nacionalista veciñas e veciños de Novo Mesoiro.

O grupo municipal do BNG ve positivo que a Audiencia Nacional decretase a intervención xudicial de Alu Ibérica, dados os comportamentos obviamente irregulares da empresa, reiteradamente denunciados polo seu cadro de persoal.

O portavoz do BNG en María Pita, Francisco Jorquera, vai pedir no Pleno deste xoves 6M que se honre a memoria do avogado e loitador contra a ditadura Rafael Bárez colocando unha placa ou unha peza escultórica na rúa que leva o seu nome.

A concelleira do BNG Avia Veira defendeu esta mañá, nunha nova reunión da Comisión do Bordo Litoral, que sexa o Concello quen lidere o ente que pilote a transformación dos terreos porto da Coruña unha vez que parte das súas actividades sexan trasladadas á dársena exterior de Punta Langosteira.

Este #1demaio, Día Internacional da Clase Obreira, marchamos canda miles de persoas, desde a Praza de Vigo até a de María Pita, na manifestación da CIG e fixémolo para esixirmos que a crise social e económica decorrente da pandemia non a paguemos xs de sempre, Galiza como país e as súas clases populares. Marchamos cunha faixa propia, cunha lenda que rezaba así: "Pola defensa dos postos de traballo da comarca". Uníronse á manifestación moitos militantes e simpatizantes do BNG, entre elxs a deputada Mercedes Queixas, a concelleira Avia Veira e o noso portavoz no Concello, Francisco Jorquera.

O Bloque Nacionalista Galego, canda outras perto de 40 organizacións políticas, sociais e veciñais, convoca unha grande manifestación cidadá para o próximo 30 de maio en defensa do porto da Coruña e sob o lema “A Coruña non se vende”. A marcha sairá ás 12 horas da Praza da Palloza e concluirá na de María Pita.

O pasado 24 de febreiro o Pleno do Concello aprobou por vía urxencia o modificativo de crédito para financiar os convenios nominativos coas entidades sociais, culturais, deportivas, etc, da cidade.

A concelleira do BNG Avia Veira xulga como “positivo” que o ADIF asinase o convenio sobre a Intermodal, pois así se dá un paso máis cara á materialización dunha infraestrutura necesaria para a cidade, mais á vez advirte que “aínda fican incertezas por despexar” sobre os usos comerciais e lucrativos á que o Administrador de Infraestruturas Ferroviarias terá dereito na nova estación dos camiños de ferro.