Novas

O Pleno do Concello correspondente ao mes de decembro deu luz verde ás tres mocións do BNG, dúas delas –as referidas ás obras no núcleo de Elviña e ao reforzo do servizo de Correos na nosa cidade- por unanimidade. Non obtivo o apoio do grupo municipal do PP, si o do resto de formacións, a que xirou arredor da mobilidade metropolitana. Neste último caso, o BNG aceptou unha emenda transaccionada cos grupos do PSOE e da Marea.

O grupo municipal do BNG non comparte a sentenza do Tribunal Superior de Xustiza de Galiza sobre os terreos da Agra de Santo Amaro.

A concelleira do BNG Avia Veira vai defender no Pleno do vindeiro martes unha moción sobre mobilidade metropolitana con dúas ideas básicas: que se priorice o transporte público –habilitando por exemplo carrís VAO na reforma da Vedra e na ampliación da Ponte Pasaxe- e que o Goberno Local esclareza de vez cal é a súa posición sobre o proxecto da Xunta de unir As Xubias con Santa Cristina.

O portavoz do BNG en María Pita, Francisco Jorquera, denuncia que, despois de tres anos de espera pola nova licitación, no próximo contrato da planta de tratamento de residuos de Nostián o custo para o Concello por tonelada de residuos será o dobre do actual e a porcentaxe de refugallos con destino ao vertedoiro alcanzará máis de 30%, o triplo do fixado pola normativa estatal.

O grupo municipal do BNG celebra que A Coruña vaia ser a sede da Axencia de Supervisión da Intelixencia Artificial  (AESIA) e considéraa unha excelente noticia para a cidade e para Galiza.

O portavoz do BNG no Concello, Francisco Jorquera, rexistrou un rogo oral, para a súa lectura no Pleno do vindeiro 13 de decembro, por medio do cal insta o Goberno Local a que garanta a protección do “tesouro artístico” que representan “os murais de Urbano Lugrís” sitos na rúa Olmos número 25 e ameazados polo lamentábel estado de conservación do edificio que os alberga.

A Fundación Legado Manuel Piñeiro Pose xestiona a Casa Escariz, o inmóbel do ensanche coruñés cuxa titularidade se disputan o Concello e os testamenteiros do filántropo. Unha cuestión que para o BNG non admite dúbida: a vontade de Manuel Piñeiro Pose era que a Casa Escariz pasase a facer parte do patrimonio municipal.

O grupo municipal do BNG votou esta mañá a prol do modificativo de crédito dos orzamentos actualmente vixentes durante o Pleno extraordinario que se realizou esta mañá no Concello.

O portavoz do BNG en María Pita, Francisco Jorquera, rexistrou un rogo oral, para a súa lectura no Pleno ordinario do mes de decembro, por medio do cal insta o Goberno Local a asegurar a limpeza e o mantemento do parque infantil da Sardiñeira. O BNG non só pide que se proceda ao seu saneamento, senón tamén á súa reforma e ampliación, tal e como piden as veciñas e os veciños cos que o grupo municipal nacionalista tivo contacto hai uns días nunha visita de Jorquera ao barrio.

O BNG ten plena disposición a establecer un diálogo co Goberno Local sobre o proxecto de orzamentos do Concello para 2023, manifestou hoxe o portavoz nacionalista Francisco Jorquera no curso do debate organizado por Ascega. Esa plena disposición non se ve correspondida por un Goberno Local que ás alturas en que estamos, a piques de concluír o mes de novembro, non moveu un dedo para contar co BNG nunha hipotética negociación orzamentaria.