Novas

O Pleno aproba por unanimidade a moción do BNG para investigar as responsabilidades das concesionarias no caso STL

13/abr./2023

O Pleno de abril aprobou por unanimidade a moción do BNG –defendida polo seu portavoz, Francisco Jorquera- para que o Goberno Local promova unha investigación arredor do caso STL con dous propósitos básicos: saber se as concesionarias dos servizos de recollida de lixo e de limpeza delegaron nese grupo a política de persoal e para determinar se, nesta última contrata, a folga de xuño de 2022 foi pactada entre a empresa e o autodenominado como sindicato.

Ler novas

Un Goberno Local do BNG presentará os orzamentos en tempo e forma para entraren en vigor cada 1 de xaneiro

12/abr./2023

Un Goberno Local liderado polo BNG a partir do próximo 28 de maio presentará o proxecto de orzamentos “en tempo e forma” para entraren en vigor o 1 de xaneiro de cada ano, comprometeu a numero 2 da candidatura do Bloque Avia Veira durante un debate organizado esta mañá pola Asociación de Emprendedores de Galiza (Ascega).

Ler novas

"Á política do Goberno Local en materia de mobilidade faltoulle valentía"

11/abr./2023

A concelleira e número 2 do BNG nas vindeiras eleccións municipais, Avia Veira, vai levar ao Pleno deste xoves un balance da política do Goberno Local en materia de mobilidade e vaino facer en forma dunha pregunta oral ao Executivo coruñés.

Ler novas

Jorquera critica "a forma e o fondo" do Goberno Local na presentación do modificativo de crédito

10/abr./2023

O portavoz do BNG no Concello, Francisco Jorquera, critica a “forma e o fondo” do Goberno Local á hora de presentar -fíxoo esta mañá primeiro nunha Xunta de Goberno extraordinaria e urxente, despois na Comisión de Facenda- o modificativo de crédito dos orzamentos prorrogados de 2022.

Ler novas

Unha moción para o Concello se opor ao despregamento da eólica mariña

09/abr./2023

O portavoz do BNG no Concello, Francisco Jorquera, vai defender no Pleno do vindeiro xoves 13 de abril unha moción por medio da cal procurará un pronunciamento do Concello contra os planos do Goberno central sobre o desenvolvemento da eólica mariña nas nosas costas.

Ler novas

O tempo medio de xestión dunha licenza por parte do Concello non debería superar os 3 meses

09/abr./2023

O candidato do BNG á Alcaldía, Francisco Jorquera, rexistrou unha batería de preguntas por escrito cun propósito claro, o de emprazar o Goberno Local a que tome as medidas precisas para axilizar a tramitación de licenzas por parte do Concello.
En concreto, o portavoz do Bloque insta o Goberno Local a que impulse “todas as medidas necesarias para que o tempo medio de xestión de licenzas non supere a barreira dos tres meses”.

Ler novas

Jorquera insta o Goberno Local a que garanta a continuidade do mercado ecolóxico e de proximidade de Santo Agostiño

06/abr./2023

A continuidade do mercado ecolóxico e de proximidade de Santo Agostiño non está asegurada sendo que neste mes de abril vence a concesión e a empresa que o xestiona non estaría interesada en optar á renovación do contrato polas elevadas taxas que tería de aboar.

Ler novas

Bota a andar o grupo de barrio do BNG da Gaiteira e os Castros

06/abr./2023

Afiliadas e afiliados do BNG que viven nos barrios da Gaiteira e Os Castros decidiron constituírse formalmente como Grupo de Barrio da organización nacionalista, creando unha estrutura organizativa estábel que se reunirá periodicamente para debater sobre asuntos de actualidade relacionados con estas zonas da Coruña e impulsar todo tipo de iniciativas políticas arredor deses asuntos.

Ler novas

Por que se deixou fóra da sesión constitutiva do Consello Local da Infancia o alumnado dos centros públicos?

05/abr./2023

A concelleira do BNG Avia Veira rexistrou unha batería de preguntas por escrito en relación á constitución do Consello Local da Infancia.

Ler novas

Jorquera pide unha investigación sobre o STL e pon sobre a mesa a rescisión do contrato das concesionarias

04/abr./2023

O portavoz do BNG no Concello, Francisco Jorquera, vai defender unha moción no Pleno do vindeiro 13A por medio da cal insta o Goberno Local a que abra unha investigación sobre o caso STL coa perspectiva de, se ficaren probados os feitos obxecto das pesquisas, “exercer coa máxima contundencia a potestade sancionadora, incluída a rescisión dos contratos de concesión”.

Ler novas