Novas

A súa integridade está seriamente ameazada e falamos de obras dun maiores pintores coruñeses do século XX,  na vangarda do surrealismo galego durante esa centuria. Referímonos aos murais que Urbano Lugrís (1908-1973) pintou na década dos anos 50 e que se atopan no baixo dun edificio en estado de abandono no número 25 da Rúa dos Olmos.

Após a recente reforma da contorna da Praza de Santo Agostiño –feita para aumentar o espazo peonil e a transición coa Praza do Humor- é unha evidencia que se está a producir unha invasión da zona en teoría habilitada para as persoas viandantes por parte de automóbiles que ocupan aqueles lugares onde non hai bancos.

Rogelio Groba faleceu o derradeiro día de 2022 e deixounos unha fondísima pegada, a que se corresponde coa súa condición de artista total, “creador e xenio até os seus derradeiros días”, en expresión da concelleira do BNG Avia Veira.

No Pleno extraordinario co que o Concello despediu 2022, o BNG votou en contra do acordo asinado polo Goberno Local co Estado en relación ao antigo cárcere provincial e abstívose no convenio coa Xunta para a obtención de terreos e execución de accesos con vistas á ampliación do CHUAC. O convenio transaccional sobre a cadea foi rexeitado polo Pleno ao contar só cos votos favorábeis dun grupo municipal, o socialista.

A alcaldesa debe dar explicacións e asumir responsabilidades políticas polo nomeamento da concelleira de Deportes, anulado polo Tribunal Superior de Xustiza de Galiza, entende o portavoz do BNG no Concello, Francisco Jorquera.

Estamos a finais de decembro e nada se sabe das contas do Concello para 2023, polo que o grupo municipal do BNG considera que “a estas alturas” xa non tería sentido que o Goberno Local presente un proxecto de orzamentos para o vindeiro ano porque “cando se aproben definitivamente xa estaríamos ás portas das eleccións de maio” e, por tanto, non tería “tempo material” para executalos.

A concelleira do BNG Avia Veira, na súa calidade de presidenta da Comisión de Educación e Cultura do Concello, convoca reunión deste órgano para o vindeiro xoves ás 9.30 horas visando que o Goberno Local dea conta das súas xestións sobre as Escolas Infantís e as Bibliotecas Municipais e para que explique por que non activa o Consello Municipal da Cultura.

Para o portavoz do BNG no Concello, Francisco Jorquera, o novo contrato da planta de Nostián ten que pór o acento, como obxectivo, na redución moi significativa dos residuos que hoxe por hoxe non son obxecto de reciclaxe.

O pasado 10 de marzo o grupo municipal do PSOE votou contra unha iniciativa a prol de o Teatro Colón pasar a chamarse Teatro María Casares. Mais o 21 de novembro, e durante a presentación do documentario de Xavier Villaverde sobre a obra e a vida da xenial actriz coruñesa, a alcaldesa sumouse á petición formulada por axentes culturais da cidade a favor de, no ano do seu centenario, lle render tributo á mítica intérprete galega pondo o seu nome ao que, xuntamente co Rosalía, constitúe o espazo teatral máis emblemático da nosa cidade.