Histórico. É o adxectivo que mellor lle acae ao resultado alcanzado polo BNG nas eleccións galegas deste 12X, quer no país quer na cidade quer na comarca. Así como tal o viviron os centos de militantes e simpatizantes nacionalistas que se deron cita na Praza da Fariña para faceren o seguimento da noite electoral.
A número 3 da candidatura do BNG ao Parlamento galego, Mercedes Queixas, mantivo esta mañá un encontro coa ANPA do CPI Cruz do Sar de Bergondo.
A Coruña non se pode permitir o luxo de ter 4 anos máis no goberno galego a Alberto Núñez Feijóo, dixo esta tarde Mercedes Queixas, número 3 da candidatura do BNG pola Coruña ao Parlamento galego. "Nos últimos 11 anos a Xunta sinxelamente non existiu na Coruña. Cero prazas nas residencias públicas, cero vivendas protexidas, infradotación de recursos humanos e materiais nos centros de saúde. Ese é o legado que nos deixa Feijóo na nosa cidade", engadiu durante o mitin que o BNG ofreceu na Agra do Orzán, na rúa Barcelona, ao pé do Mercado das Conchiñas.
A defensa da paz e do dereito dos pobos a decidiren por si propios, o combate contra toda forma de opresión imperial e privilexiar o relacionamento da Galiza cos países da lusofonía -"ou galeguía pois a lingua común ten a orixe na nosa terra"- son os trazos definitorios da política internacionalista do BNG, destacou Mercedes Queixas durante o encontro Outro Mundo é Posíbel que tivo lugar na solleira mañá deste sábado, na Rosaleda dos Xardíns de Méndez Núñez.
Mercedes Queixas, número 3 da candidatura do BNG ao Parlamento galego pola Coruña, fixo no serán deste xoves un chamamento a unha "participación masiva" o 12X para que se materialice o "cambio galego" liderado por Ana Pontón.
O debate da TVG mostrou que a alternativa ás "políticas fracasadas de Feijóo" é a "nova Galiza que representa Ana Pontón", dixo este serán Mercedes Queixas, número 3 do BNG ao Parlamento galego pola Coruña durante o mitin que a formación nacionalista ofreceu en Monte Alto e que estivo moi concorrido de xente.
