Mercedes Queixas

Que xa nos orzamentos da Xunta de 2023 aparezan as partidas precisas para financiar a proposta de estudo e dotación dun centro de ensino secundario na contorna do barrio de Novo Mesoiro. Ese é o miolo da batería de iniciativas (proposición de lei, preguntas oral e escrita, interpelación) que a deputada do BNG Mercedes Queixas vén de rexistrar no Parlamento galego.

A Comisión de Educación e Cultura do Parlamento da Galiza someterá a debate o vindeiro venres (a partir das 10.30 horas, cuarto punto na orde do día) unha iniciativa do BNG por medio da cal se insta a Xunta a que colabore na catalogación, dixitalización, conservación e accesibilidade pública dos fondos da biblioteca da Reunión Recreativa e Instrutiva de Artesáns, a entidade popularmente coñecida como Circo de Artesáns.

A deputada do BNG Mercedes Queixas rexistrou unha batería de iniciativas no Parlamento galego –interpelación, pregunta por escrito, preguntas orais en Pleno e en Comisión- en relación á Filmoteca da Galiza, antigo Centro Galego de Artes da Imaxe.

A concelleira Avia Veira e a deputada no Parlamento galego Mercedes Queixas mantiveron esta mañá, na nosa oficina en María Pita, un encontro co colectivo Unímonos ou Afundímonos, unha plataforma de traballadoras e traballadores do sector cultural.

O BNG acada un acordo unánime na Comisión de Pesca, tras aceptar unha emenda do Partido Popular,  polo que o Parlamento de Galiza insta a Xunta a “adiantar os cartos das compensacións económicas por  inactividade obrigada aos mariscadores  da Ría do Burgo durante o tempo que duren as obras de dragaxe e rexeneración, previa garantía de transferencia, mediante a sinatura dun convenio dos fondos pertinentes polo Estado para esta finalidade, o que permite activar garantías de protección aos mariscadores e evitarlles un compromiso de endebedamento  engadido innecesario, dende o inicio das obras”.

Que se reforce o cadro de persoal e se melloren as condicións laborais das traballadoras e traballadores sanitarios da atención primaria da comarca e do CHUAC. Iso é o que pide a través dunha batería de iniciativas (proposición non de lei para Pleno e Comisión, pregunta oral e pregunta por escrito) a deputada do BNG no Parlamento galego Mercedes Queixas.

O pequeno e mediano comercio vertebra a cidade, anima a vida dos barrios, aumenta a sensación de seguridade e cría lazos comunitarios. É por iso que o BNG o defende, como se puxo de manifesto este martes durante a presentación da campaña Mellor Local, Mellor Galego. Aposta polo Noso feita nun local dos Mallos, La Revolución de los Graneles, por parte da nosa parlamentar Mercedes Queixas e do noso responsábel local David Soto.

O BNG formulou un total de 24 emendas parciais aos orzamentos da Xunta para 2022 referidas á cidade da Coruña (18) e ao conxunto da comarca (6). De saíren adiante, representarían un incremento de 92,6 millóns euros dos fondos destinados á nosa cidade (57 millóns) e comarca (35,6).

A situación da planta coruñesa de Alu Ibérica é moi delicada após o administrador xudicial ter solicitado na Audiencia o preconcurso de acredores, ben como a autorización para negociar un ERTE para todo o cadro de persoal. Tan delicada é que no horizonte estaría o fechamento definitivo da fábrica e, por tanto, a perda de 300 empregos industriais na comarca da Coruña.

A parlamentar do BNG Mercedes Queixas presentou no Rexistro do Parlamento unha petición para obter unha copia do informe emitido pola Dirección Xeral de Patrimonio sobre os soares da Maestranza a respecto da conservación dos restos arqueolóxicos da muralla da cidade.