Novas

Mercedes Queixas e Francisco Jorquera –deputada do BNG e portavoz nacionalista en María Pita, respectivamente- visitaron esta mañá diversos comercios dos Mallos para repartiren material informativo da campaña do Bloque “Mellor Local, Mellor Galego”.

A concelleira de Benestar Social, Participación e Igualdade, Yoya Neira, avanzou esta tarde, en resposta a unha pregunta oral formulada por Avia Veira, que neste primeiro trimestre de 2021 o Goberno Local vai pór en marcha “un programa piloto cunha nova metodoloxía nos cursos de educación afectivo sexual” dentro do programa Coruña Educa.

O Pleno de febreiro outorgou o apoio unánime ás tres mocións formuladas polo BNG, as tres defendidas polo portavoz nacionalista, Francisco Jorquera. Iniciativas sobre a situación da planta de Nostián, sobre o acondicionamento e saneamento da sede da Fundación Luís Seoane (cuxo deficiente estado pon en risco a integridade da obra e legado do artista) e sobre a humanización dos barrios da Gaiteira, O Montiño e Os Castros.

Unha votación histórica tivo lugar este xoves 4 de febreiro de 2021 no Pleno do Concello da Coruña. Votos a favor: PSOE, BNG, Marea Atlántica e a concelleira non adscrita Isabel Faraldo. Abstención: PP. Ningún sufraxio en contra. Ficaba así aprobada a Ordenanza do Galego e púñase así fin a unha anomalía: A Coruña era até hoxe a única das 7 grandes cidades galegas que non contaba cun documento específico para regular e potenciar o uso do noso idioma na institución municipal.

A concesión por 50 anos (até 2039!!) do Pazo da Ópera ao grupo Comar é unha das herdanzas envelenadas que deixou o goberno de Francisco Vázquez á cidade da Coruña.

A concelleira do BNG Avia Veira insta o Goberno Local a que saque a concurso no prazo máis breve posíbel os cursos de educación afectivo sexual que se viñan impartindo nos centros de ensino dentro do programa Coruña Educa e que se deixaron de ofrecer porque a falta de dilixencia administrativa do Executivo coruñés levou a que non se convocara unha nova licitación após caducar o contrato anterior.

O BNG xa defendeu no pasado mandato que o Concello se dotase dun Plano de Inclusión Social. A crise socio-económica decorrente da pandemia faino agora máis necesario do que nunca, de aí que a nosa concelleira, Avia Veira, se vaia dirixir ao Goberno Local no Pleno deste xoves para, por medio dunha pregunta oral, instalo a que o elabore de inmediato.

Como todos os anos, e organizado polo grupo de barrio do BNG de Monte Alto, a formación nacionalista rendeu tributo este sábado á memoria de Moncho Valcarce (1935-1993), o cura das Encrobas, símbolo da Galiza labrega e combativa, crego fondamente comprometido coa nosa cultura e lingua, co noso medio natural, cos sinais que nos identifican como nación.

Máis de dous anos despois de caducar o seu contrato (fíxoo o pasado día 23), as bibliotecas municipais regularizarán a súa situación, despois de a Xunta de Goberno Local se reunir hoxe con carácter urxente para licitar a xestión destas instalacións culturais, tal e como o executivo coruñés anunciou o pasado 14 de xaneiro en resposta a unha pregunta formulada pola nosa concelleira, Avia Veira.

O edificio que alberga a sede da Fundación Luís Seoane áchase nun preocupante estado de deterioración que por unha banda dificulta o desenvolvemento normal das súas actividades e por outra mesmo pon en risco a conservación da obra dunha das figuras centrais da cultura galega no século XX.