Novas

Un veciño de Labañou fai fotografías pola cidade adiante. Esqueletos de edificios abandonados, vivendas baleiras. Iso é o que a súa cámara recolle en imaxes. Ese mesmo veciño vive nun barrio sobre o que paira agora a ameaza de ser asolagado con aínda máis cemento, máis vehículos, máis contaminación. No seu horizonte está infelizmente o proxecto das Percebeiras, unha actuación urbanística impulsada polo Goberno Local que conta coa oposición da veciñanza e do BNG.

Eis imaxes e palabras contra o proxecto de asolagar de cemento As Percebeiras. Fotografías e palabras dun veciño de Labañou que personifica o clamor social contra os mamotretos e a prol da defensa dun privilexiado fragmento da nosa beiramar. #FóradasPercebeirasFóradeLabañou

Que o Pleno do Concello exprese a súa “rotunda oposición” á intención de Naturgy de desmantelar o seu Centro de Operacións de Redes na Coruña. Ese é o propósito que anima o portavoz do BNG en María Pita, Francisco Jorquera, a rexistrar unha moción que será debatida na próxima sesión plenaria da Corporación, a se realizar a principios de marzo.

A concelleira do BNG Avia Veira rexistrou un rogo oral para o Pleno do Concello do próximo mes de marzo co obxectivo de que o Goberno Local convoque no menor tempo posíbel o Consello da Memoria Democrática. Este órgano leva sen se reunir desde o 27 de novembro de 2019.

A Comisión de Industria vai debater este mércores (a partir das 10.30 horas) unha proposición non de lei da autoría da deputada nacionalista Mercedes Queixas en relación á procura de alternativas que aseguren a pervivencia da planta de Alu Ibérica na Coruña. Podedes acompañar a sesión através da web da cámara galega.

Hai xa máis de dous meses, o 10 de decembro de 2020, o grupo municipal do PSdeG-PSOE comprometeuse nun acordo escrito co BNG e coa Marea Atlántica a iniciar de inmediato, en diálogo cos sectores afectados e os grupos municipais, os traballos para a elaboración e a aprobación dun novo PRESCO.

A concelleira do BNG Avia Veira vén de lle dirixir unha batería de preguntas por escrito ao Goberno Local en relación ao mal funcionamento da nova aplicación da ORA, introducida hai uns meses pola concesionaria do servizo, a empresa Setex Aparki.

O portavoz do BNG en María Pita, Francisco Jorquera, saudou este martes a “disposición ao diálogo e ao consenso” do novo presidente da Autoridade Portuaria, Martín Fernández Prado, ao que á vez lle demandou que mude o modelo de xestión do porto coruñés, demasiado dependente do monocultivo dos cruceiros, na dirección de diversificar tráficos e de fortalecer o seu carácter de motor económico e produtivo da cidade.

O cumprimento xeral do contrato para o mantemento das zonas verdes coa concesionaria Althenia SL dista moito de ser satisfactorio, indica o Goberno Local en resposta a unha pregunta por escrito formulada polo portavoz do BNG en María Pita, Francisco Jorquera.

Os #9deCornide son exemplo da dignidade do noso pobo, fronte ao fascismo de onte e de hoxe. Foron xulgados este 4F, eis a crónica en imaxes dunha concentración solidaria con elxs. Falan no vídeo Elvira Branco e Mercedes Queixas. #FranquismoNuncaMáis.