Novas

Foron por volta de 3.500 persoas as que este domingo, protagonizaron unha manifestación masiva polas rúas da cidade, máis multitudinaria se cabe se temos en conta que aínda continuamos en pandemia. Foi un clamor imposíbel de desouvir, un berro colectivo en defensa do porto da Coruña, que é tanto como dicir en defensa do corazón da cidade. Estivo Ana Pontón -acompañada polo noso portavoz no Congreso, Néstor Rego- e non estivo, en rechamante contraste, Inés Rey. "Non podemos conformarnos cunha moratoria da débeda. A cidadanía quere a condonación", díxolle aos medios Francisco Jorquera. "Por que a Valéncia si se lle perdoa a débeda e A Coruña, non?", perguntou a voceira nacional.

A portavoz nacional do BNG, Ana Pontón, estivo hoxe connosco para, nunha comparecencia ante os medios, anunciar a súa presenza na grande manifestación cidadá do próximo domingo. "

#ACoruñaNonSeVende Hai moitos motivos polos q botarse a andar, neste vídeo acharás un feixe deles. Bota a andar connosco este domingo canda outros 70 colectivos da cidade, en defensa do porto. https://youtu.be/_7W6iYPlgSA E de paso non esquezas te subscribires á nosa canle en

@YouTube

A concelleira do BNG Avia Veira solicitou esta mañá por escrito ter acceso ao convenio da Intermodal subscrito onte en Madrid pola alcaldesa, a conselleira de Infraestruturas, o ministro de Transporte, Mobilidade e Axenda Urbana e a presidenta do Adif.

A concesionaria da planta de tratamento de residuos sólidos urbanos de Nostián non autoriza a visita á planta dos portavoces de medio ambiente da oposición e faino cos mesmos argumentos –as restricións sanitarias pola Covid-19- que no seu día aduciu Naturgy para impedir a visita da alcaldesa ao Centro de Operacións de Rede da Eléctrica.

O grupo municipal do BNG resume nunha frase a avaliación que lle merecen os dous anos de mandato do gabinete presidido por Inés Rey en María Pita: “O Goberno Local ten moito que mellorar e moito que rectificar”, asegurou esta mañá o portavoz nacionalista, Francisco Jorquera.

Estamos en pandemia e a capacidade de todos os locais, produto das distancias de seguranza, mingua co obxectivo de conter a expansión do virus. Unha das consecuencias é que cada vez hai menos espazos na cidade para as e os alumnos poderen estudar. “Este é un problema real que nos trasladan as e os mozos e desde o BNG imos impulsar unha iniciativa para o Concello habilitar novos espazos propios ou para, na eventualidade destes non seren suficientes, concertar con outras administracións a disponibilidade de locais de estudo”, avanzou este venres a concelleira do BNG Avia Veira.

O portavoz do BNG en María Pita, Francisco Jorquera, criticou esta mañá, durante unha reunión da Comisión de Deportes, que o Goberno Local finalmente opte pola xestión indirecta dos complexos deportivos de San Diego e Castrillón.

O Centro Universitario de Riazor acolleu na tarde do mércores 19M un acto do BNG en defensa do sistema de universidades públicas da Galiza e, consecuentemente, contra o proxecto privado de Abanca apadriñado polo Goberno de Feixoo.

Un ateigadísimo Obelisco clamou este serán contra os ataques xenocidas de Israel ao pobo palestino en Gaza, un dos territorios ilegalmente ocupados polo Estado sionista.