A mobilización, que partirá ás 12 horas da Praza da Palloza e concluirá na de María Pita, son a condonación do préstamo de Portos do Estado á Autoridade Portuaria da Coruña (isto é, pór fin á discriminación que sofre a nosa cidade a respecto de Valéncia, cuxo débito si foi liquidado) e a non privatización e venda dos peiraos interiores unha vez que estes sexan liberados dos seus actuais usos portuarios.

As entidades convocantes desta manifestación son as seguintes: Defensa do Común. Asociacións Veciñais: Agra do Orzán, Atochas Monte Alto, Campo da Pena de Palavea, IAR do Castrillón, Gaiteira-Os Castros, Eiris, Cidade Vella, Os Anxos de San Cristovo da Viñas. Alternativa dos Veciños, Anova, BNG, Cerna, Corrente Vermella, Equo, EU, Marea Atlántica, PCG, Podemos, Sada Maioría, Galiza Nova, Rebeldía Galicia, XCG. CCOO, CGT, CIG; A.C. Alexandre Bóveda, A.C. O Facho, C.S. Gomes Gaioso, Vangarda Obreira, Plataforma pola Defensa da Ría de Sada e Betanzos, Amigos dos Museos de Galicia, Foro Cívico, Comité de Defensa das Rías Altas, Propolis, Plataforma en Defensa do Tren A Coruña-As Mariñas, Habitat Social, ADEGA, A.C. Irmáns Suárez Picallo. 

A manifestación -que foi presentada esta mañá nunha conferencia de prensa na sede da Asociación Cultural Alexandre Bóveda, á que asistiu o secretario de Organización do BNG da Coruña, Fran Rei- persegue tamén garantir a licitación do acceso ferroviario ao porto exterior e a convocatoria por parte do Concello dunha consulta popular sobre o deseño da futura fachada marítima da cidade.