O grupo municipal do BNG votou no Pleno de decembro contra o Estudo de Detalle da parcela número 2 do PERI da Maestranza que vai permitir a unha empresa privada construír sobre terreos comunais da cidade adquiridos ao Ministerio de Defensa que deberían ter sido devoltos gratuitamente ao Concello.ç

O estudo de detalle, que se vai saldar cunha pelotada inmobiliaria do Ministerio de Defensa, sae adiante grazas aos votos dos grupos municipais do PSOE e do PP.

A concelleira nacionalista Avia Veira, que interveu no Pleno para fixar a posición do BNG, explicitou até 10 razóns polas que o BNG se opón a esta actuación urbanística.

Na sesión de control ao Goberno Local durante o #PlenoDecembro, a concelleira do BNG Mercedes Queixas alertou o Executivo coruñés sobre os problemas que arrastran a Orquestra Sinfónica de Galiza -coa concesionaria do Pazo da Ópera a ter as instalacións en más condicións- e a Escola Municipal de Música -co convenio de xestión que vai caducar este mes de decembro sen que nada se saiba sobre unha nova encomenda que garanta o desenvolvemento do proxecto académico e o pagamento dos salarios ao cadro de persoal.

Queixas criticou que, após 6 meses de ter comezado o actual mandato, a alcaldesa non teña convocado aínda a Xunta de Goberno do Consorcio para a Promoción da Música, órgano de que o BNG fai parte, precisamente para abordar estes problemas.