No acto, ao que asistirán o conxunto do grupo municipal do BNG, intervirán Avia Veira e Alexandra Fernández, responsábeis de Vivenda no Concello e no grupo parlamentar do BNG, respectivamente.

O Fío Directo co BNG é un encontro entre o Bloque da Coruña e o tecido cívico coruñés -nesta ocasión, con colectivos vinculados ao problema da vivenda-, mais é tamén un acto público aberto á participación de todas as coruñesas e coruñeses que se queiran achegar.

Lembramos que todos os materiais da campaña “Vivir na Coruña...é imposíbel” se achan na web jorquera.gal e parte deles teñen cabida nun vídeo que apareceu este martes nas redes sociais do Bloque coruñés.

As entregas anteriores do Fío Directo co BNG xiraron arredor da posición adoptada pola formación nacionalista diante do Acordo de Investidura e os orzamentos do Concello para 2024 e 2025.