Novas

Como unha “chafallada” e un “atropelo aos dereitos democráticos da oposición” cualificou esta mañá a concelleira do BNG Avia Veira a decisión do Goberno Local de aprobar a Axenda Urbana 2030 na Xunta de Goberno Local e non no Pleno da Corporación. “É un documento que trascende este mandato e o próximo, por tanto, debería ser produto do diálogo e das achegas de todos os grupos”, avalía a edil nacionalista. “Apróbase pola porta de atrás”, remarca.

Néstor Rego require coñecer a periodicidade coa que o Pelícano 24 realiza os traballos anticontaminación das augas e a súa área de actuación ante a acumulación de lixo e residuos nas últimas semanas.

Na última das cuestións orais, foi tamén Avia Veira quen lle pediu ao Goberno Local claridade sobre un asunto ben escuro, o dos pormenores do acordo extraxudicial alcanzado polo executivo coruñés co Estado para a cesión do antigo cárcere.

Como explica o Goberno Local o “agravio comparativo” que sofren as familias con crianzas matriculadas nas escolas infantís municipais, que só se poden beneficiar da gratuidade de 6 horas diarias lectivas cando nas privadas e nas dependentes da Xunta se alcanzan as 8 horas de balde?, preguntou Avia Veira na segunda das cuestións orais formuladas polo BNG neste Pleno.

“Non, señor Jorquera, non”, respondeu Esther Fontán á pregunta formulada polo portavoz do BNG en María Pita, Francisco Jorquera, sobre se o Goberno Local está satisfeito coa situación da limpeza e da recollida de lixo na cidade.

O Pleno ordinario de setembro aprobou as tres mocións a debate do BNG, dúas delas por unanimidade –as relativas á deslocalización do servizo de atención telefónica da antiga Fenosa e ás políticas do Concello en materia turística. A iniciativa sobre como actuar desde os servizos sociais perante a escalada de prezos tivo o apoio de PSOE, Marea Atlántica e a concelleira non adscrita, mais colleitou a abstención do PP ao incluír a moción unha petición á Xunta para que se reimplante a Tarxeta Básica.

O portavoz do BNG en María Pita, Francisco Jorquera, vai levar ao Pleno deste xoves 8S unha moción para “aproveitar ao máximo o potencial turístico da Coruña”, corrixindo “unha serie de feblezas e carencias” que marcan as políticas seguidas desde o Concello nesta materia.

Despois deste martes 6 de setembro se volver producir un incidente cunha árbore na cidade –a caída dunha póla sobre un automóbil na Praza da Tolerancia-, o grupo municipal do BNG lembra que xa en agosto de 2021, por medio dunha pregunta por escrito, instou o Goberno Local a que realizase unha especie de “ITV da árbores”.

O BNG constata no seu contacto coa veciñanza que “o malestar é xeralizado” pola falta de limpeza na cidade, afirma Francisco Jorquera, portavoz nacionalista en María Pita, quen vai levar esta cuestión, en forma de pregunta oral, ao Pleno do vindeiro xoves.

A escalada de prezos está a agravar a situación dos sectores máis vulnerábeis da poboación, o que obriga a activar todos os instrumentos de que dispón o Concello para protexer as persoas que o están a pasar peor.