Novas

No Pleno extraordinario co que o Concello despediu 2022, o BNG votou en contra do acordo asinado polo Goberno Local co Estado en relación ao antigo cárcere provincial e abstívose no convenio coa Xunta para a obtención de terreos e execución de accesos con vistas á ampliación do CHUAC. O convenio transaccional sobre a cadea foi rexeitado polo Pleno ao contar só cos votos favorábeis dun grupo municipal, o socialista.

A alcaldesa debe dar explicacións e asumir responsabilidades políticas polo nomeamento da concelleira de Deportes, anulado polo Tribunal Superior de Xustiza de Galiza, entende o portavoz do BNG no Concello, Francisco Jorquera.

Estamos a finais de decembro e nada se sabe das contas do Concello para 2023, polo que o grupo municipal do BNG considera que “a estas alturas” xa non tería sentido que o Goberno Local presente un proxecto de orzamentos para o vindeiro ano porque “cando se aproben definitivamente xa estaríamos ás portas das eleccións de maio” e, por tanto, non tería “tempo material” para executalos.

A concelleira do BNG Avia Veira, na súa calidade de presidenta da Comisión de Educación e Cultura do Concello, convoca reunión deste órgano para o vindeiro xoves ás 9.30 horas visando que o Goberno Local dea conta das súas xestións sobre as Escolas Infantís e as Bibliotecas Municipais e para que explique por que non activa o Consello Municipal da Cultura.

Para o portavoz do BNG no Concello, Francisco Jorquera, o novo contrato da planta de Nostián ten que pór o acento, como obxectivo, na redución moi significativa dos residuos que hoxe por hoxe non son obxecto de reciclaxe.

O pasado 10 de marzo o grupo municipal do PSOE votou contra unha iniciativa a prol de o Teatro Colón pasar a chamarse Teatro María Casares. Mais o 21 de novembro, e durante a presentación do documentario de Xavier Villaverde sobre a obra e a vida da xenial actriz coruñesa, a alcaldesa sumouse á petición formulada por axentes culturais da cidade a favor de, no ano do seu centenario, lle render tributo á mítica intérprete galega pondo o seu nome ao que, xuntamente co Rosalía, constitúe o espazo teatral máis emblemático da nosa cidade.

O Pleno do Concello correspondente ao mes de decembro deu luz verde ás tres mocións do BNG, dúas delas –as referidas ás obras no núcleo de Elviña e ao reforzo do servizo de Correos na nosa cidade- por unanimidade. Non obtivo o apoio do grupo municipal do PP, si o do resto de formacións, a que xirou arredor da mobilidade metropolitana. Neste último caso, o BNG aceptou unha emenda transaccionada cos grupos do PSOE e da Marea.

O grupo municipal do BNG non comparte a sentenza do Tribunal Superior de Xustiza de Galiza sobre os terreos da Agra de Santo Amaro.

A concelleira do BNG Avia Veira vai defender no Pleno do vindeiro martes unha moción sobre mobilidade metropolitana con dúas ideas básicas: que se priorice o transporte público –habilitando por exemplo carrís VAO na reforma da Vedra e na ampliación da Ponte Pasaxe- e que o Goberno Local esclareza de vez cal é a súa posición sobre o proxecto da Xunta de unir As Xubias con Santa Cristina.