Novas

Ana Pontón estivo esta mañá na Coruña para mostrar o apoio do BNG á causa do persoal de Teleperformance, ameazado cunha deslocalización a Colombia que acabaría con 100 empregos e lesionaría o dereito da veciñanza a ser atendida en galego as 24 horas. A portavoz nacional reuniuse nun hotel da cidade co comité de empresa de Teleperformance e estivo acompañada pola deputada Mercedes Queixas, o noso voceiro en María Pita, Francisco Jorquera, e a nosa concelleira Avia Veira.

Nós si temos proxecto de cidade. E un proxecto de cidade avalado por experiencias exitosas, por modelos de bon goberno local: de Pontevedra a Carballo. Temos proxecto e, por tanto, vocación de sermos alternativa. Explícao aquí Francisco Jorquera.
.

A Xunta de Goberno Local tomou esta mañá coñecemento dunha sentenza ditada polo Tribunal Superior de Xustiza de Galiza, perante o recurso de apelación 246/2021 promovido pola Confederación Intersindical Galega.

O portavoz do BNG en María Pita, Francisco Jorquera, rexistrou varios rogos ao Goberno Local en relación ao deficiente estado de beirarrúas en distintos puntos da cidade.

O deputado do BNG no Congreso, Néstor Rego, vén de rexistrar iniciativas para evitar a deslocalización do servizo de atención telefónica ao cliente de Unión Fenosa Distribución na Coruña, por parte da empresa Teleperformance, e garantir a continuidade dos postos de traballo. A formación nacionalista defende realizar as mudanzas necesarias para blindar o servizo de atención ás persoas consumidoras, tamén para aquelas que queiran ser atendidas en galego. Propón que se condicione o acceso das empresas eléctricas a fondos públicos e a novas autorizacións de xeración a que a súa actividade económica resulte de maneira positiva no territorio creando postos de traballo estábeis.

A concelleira do BNG Avia Veira rexistrou unha pregunta por escrito para saber se os traballos de restauración do Cruceiro de Carracedo, situado en San Vicenzo de Elviña, tiveron a supervisión da Dirección Xeral do Patrimonio Cultural da Xunta.

Veciñanza da zona dirixiuse ao grupo municipal do BNG para coñecer as razóns que levaron o Goberno Local a apostar por unha solución visualmente parecida ao cemento para os alcorques das árbores da contorna do Campo da Leña. De aí que o portavoz do BNG en María Pita, Francisco Jorquera, dirixise ao Executivo coruñés unha pregunta por escrito ao respecto.

Un sinxelo e emotivo tributo –unha ofrenda floral diante do monumento da memoria deseñado por Isaac Díaz Pardo no Campo da Rata- foi o que renderon na mañá do sábado 20 de agosto militantes do BNG de Cee e Corcubión aos 8 obreiros da fábrica de Brens, sindicalistas da naquela altura chamada Fábrica Hidroeléctrica do Pindo- fusilados o 18 de decembro de 1936 por teren organizado unha folga contra o golpe de estado fascista. Na homenaxe participou o portavoz do BNG no Concello, Francisco Jorquera.