Novas

Este luns, o portavoz do BNG en María Pita, Francisco Jorquera, emprazou a alcaldesa a aproveitar a presenza do presidente do Goberno central e varios ministros na nosa cidade para abordar cuestións chave para o futuro da Coruña.

O BNG non vai pór atrancos para que se lle dea luz verde no Pleno do vindeiro 13 de outubro a unha modificación do anexo de subvencións nominativas (o que regula os convenios coas entidades da cidade). A mudanza foi obxecto onte de tratamento na Comisión de Economía e Facenda.

“O liderado en defensa da cidade ten que traducirse en cousas moito máis importantes que en exercer de anfitrións”, dixo esta mañá en conferencia de prensa o noso voceiro en María Pita, Francisco Jorquera, en relación ás dúas cimeiras que irán ter lugar esta semana na nosa cidade: a reunión Inés Rey-Alfonso Rueda deste martes e o encontro Pedro Sánchez-Olaf Scholz programado para mércores e xoves.

A deputada do BNG no Parlamento galego Mercedes Queixas vaille preguntar mañá venres ao Goberno galego “como vai garantir a inmediata apertura ao público da Casa Cornide”.

A concelleira do BNG Avia Veira e o responsábel de Organización local da formación nacionalista, Fran Rei, acompañaron esta mañá, en dous actos sucesivos, accións reivindicativas da Asociación Veciñal da Agra do Orzán e a Plataforma SOS Sanidade Pública.

Eis as palabras pronunciadas por Francisco Jorquera na apertura da celebración do 40 aniversario do BNG no Frontón de Riazor. Todo un canto á Coruña como cidade clave de momentos fundacionais do nacionalismo galego: de Luís Peña Novo ao alcalde Domingos Merino

 

Mercedes Queixas e Avia Veira –parlamentar e concelleira do BNG, respectivamente- mantiveron esta mañá, nas nosas oficinas do Pazo de María Pita, un encontro cunha representación do comité de empresa da Fundación Profesor Novoa Santos, a entidade que xestiona o Instituto de Investigación Biomédica da Coruña (INIBC).

O BNG fixo este domingo 40 anos de vida e fíxoos na cidade e no espazo que o viu nacer, o Frontón de Riazor. 40 anos dunha organización sen a cal hoxe non se entende o noso país. 40 anos e a clara sensación –que comparten non só as persoas que ateigaron este domingo o Frontón de Riazor, senón a inmensa maioría da sociedade galega- de que o mellor está por vir, cun proxecto político sólido e unido liderado por quen se perfila xa como próxima presidenta da Xunta de Galiza, a nosa portavoz nacional, Ana Pontón.

O portavoz do BNG en María Pita, Francisco Jorquera, e a concelleira nacionalista Avia Veira mantiveron esta mañá un encontro con representantes do comité de empresa da piscina municipal e dos servizos complementarios xestionados polo Club do Mar.

Un nutrido grupo de persoas acompañaron esta mañá a portavoz nacional e o voceiro do BNG no Concello –Ana Pontón e Francisco Jorquera- no acto de descoberta, no Frontón de Riazor, da placa conmemorativa do 40 aniversario do BNG.