Este sábado, tributo a Moncho Valcarce, o crego das Encrobas, no seu 30 cabodano
O tributo a Moncho Valcarce no seu 30 cabodano (nado en 1935, faleceu o 1 de febreiro de 1993) vaise realizar, como todos os anos, no cemiterio de Santo Amaro nun acto (12 h) que desta volta contará coa intervención da nosa deputada Mercedes Queixas.
Dicir Moncho Valcarce, o coñecido como o crego das Encrobas, é tanto como dicir compromiso con Galiza como nación e coas clases traballadoras galegas. O seu nome está indisolubelmente ligado a episodios como as loitas populares das Encrobas ou a de Baldaio, en defensa dos dereitos dos labregos e do medio ambiente, da natureza. Como cura, era un home de profundas crenzas relixiosas, mais dunha Igrexa firmemente arraigada no país, na súa cultura e na súa lingua.
A convocatoria do acto corre a cargo do grupo de barrio do BNG de Monte Alto.
Máis novas
