Novas

O programa electoral do BNG para o 28 de maio é “moito máis que un programa electoral”. “É un proxecto de cidade sobre A Coruña do futuro que queremos construír contando coa participación das coruñesas e coruñeses. E é un programa de goberno –por iso non é un programa reivindicativo, senón propositivo- porque concorremos ás eleccións coa vontade de ser alternativa, de liderar a cidade”.

A Agra do Orzán acolleu este domingo a cuarta sesión vermú da precampaña do BNG. Moita animación, boa música –a do grupo indie pop Leria- e unha breve intervención de Francisco Jorquera que xirou basicamente arredor das necesidades dun barrio que é dos máis densamente poboados de Europa e que carece de múltiples equipamentos públicos, entre eles un parque merecente de tal nome.

“Reverdecer A Coruña”. Ese será un dos obxectivos do Goberno Local que aspira a liderar o BNG a partir do 28 de maio, anunciou este sábado o candidato nacionalista á Alcaldía, Francisco Jorquera.

O candidato do BNG á Alcaldía da Coruña, Francisco Jorquera, mantivo esta mañá un encontro con mozas e mozos universitarios na cafetería da Facultade de Dereito da UDC. Foi un coloquio moi animado, con moitas ideas sobre a mesa das que o noso candidato tomou boa nota.

O portavoz do BNG no Concello, Francisco Jorquera, mostrou a súa "consternación" ao recibir a noticia do pasamento de Arsenio Iglesias (1930-2023), ao tempo que quixo trasladar as súas condolencias á familia e amizades do mítico xogador e adestrador deportivista.

Na derradeira sesión de control ao Goberno Local deste mandato, e interpelado por Avia Veira, o concelleiro de Memoria Histórica, Jesús Celemín, foi incapaz de precisar cando se vai presentar a demanda para a recuperación da Casa Cornide.

O derradeiro Pleno do Concello no presente mandato aprobou este xoves as tres mocións que o grupo municipal do BNG someteu á súa consideración, unha delas, a que demandaba “xogo limpo” durante a campaña e a non confusión entre institucións públicas e partidos políticos, por unanimidade. As outras dúas iniciativas –sobre a restitución da letra orixinaria do himno nacional galego e sobre a protección e posta en valor dos xerións como nova marca da cidade- viron a luz verde co apoio de PSOE e Marea e a abstención do PP.

A número 3 da candidatura do BNG, Mercedes Queixas, avanzou hoxe que o Goberno Local que se propón liderar o Bloque a partir do 28 de maio “quere acompañar as creadoras e creadores de cultura da nosa cidade en todo o seu proceso creativo, desde a orixe até o momento de expoñelo ao público.

A decisión do Goberno Local de vetar o uso do escano cidadán a un traballador do servizo de limpeza viaria só se explica polo desexo do Goberno Local de que non se dea visibilidade ao caso STL no último pleno do mandato.

Hai que salvar os xerións, arte urbana “que xa é marca de cidade”, e protexelos da “falta de sensibilidade cultural” dun Goberno Local que os persegue como se fosen produto de actos vandálicos e non como o que son, unha manifestación artística que simboliza A Coruña como cidade creativa.