Novas

"Pídovos que ao irdes votar pensedes en que perfil de alcalde queredes porque solvencia e capacidade non é o mesmo que arrogancia"

21/maio/2023

A Praza 8 de Marzo (A Cubela) acolleu este domingo a sexta e derradeira sesión vermú co BNG, xusto cando a campaña enfila a súa última semana. Un último espectáculo que deixou imaxes para o recordo, fotos da banda coa candidatura, bailes e cantos conxuntos, moitas ganas de festa e moitas ganas de mudar a cidade para mellor con cánticos de "alcalde, alcalde!" ao rematar a breve intervención de Jorquera.

Ler novas

Inspirados polo documentario de Ánxeles Huerta, propomos Revivir Monelos

20/maio/2023

O BNG fixo este sábado o terceiro dos seus roteiros para facer da Coruña unha cidade verde e firmemente comprometida na loita contra os efectos das alteracións climáticas.

Ler novas

Avia Veira avanza que o BNG fará de EMVSA unha auténtica empresa municipal de vivenda

19/maio/2023

A Empresa Municipal de Vivenda Servizos e Actividades “é hoxe moito máis de servizos e actividades que de vivenda”, afirmou a número dous da candidatura do BNG, Avia Veira, durante o Encontro sobre Vivenda e Urbanismo que o Bloque realizou con persoas expertas na materia, representantes de asociacións  veciñais (A Agra, Palavea, Oza, A Gaiteira e OS Castros) e do colectivo Outra Forma de Vivenda.

Ler novas

Jorquera reivindica a política e convida a mocidade a "votar e a ser esixente cos gobernos"

18/maio/2023

Nun coloquio co alumnado do Centro de Estudos Superiores de Galicia (CESUGA), o candidato do BNG á Alcaldía, Francisco Jorquera, reivindicou esta mañá a política “como ferramenta para mudar as cousas” e chamou a mocidade a “votar, a exercer o voso dereito a participar”. Votar e tamén “ser esixentes despois cos gobernos”. “Hai que pedir sempre rendición de contas e o cumprimento dos compromisos”, remarcou.

Ler novas

No Día das Letras Galegas, Jorquera remarca que o galego é na Coruña un activo cultural e económico

17/maio/2023

O galego non é só o principal signo de identidade da sociedade galega –e, por tanto, tamén da coruñesa-, senón que é un activo de primeiro orde e sostén dunha industria cultural que na cidade da Coruña é “moi potente”.

Ler novas

No debate da TVG, Jorquera mostra a ambición do proxecto do BNG para a cidade

16/maio/2023

Unha cidade metropolitana con vocación de ser motor económico e capital cultural do país. Ese é en esencia o proxecto de cidade que debullou o candidato do BNG á Alcaldía no debate da TVG. Jorquera defendeu con firmeza as súas posicións, mais á vez mostrou mesura e serenidade fronte a un candidato do PP que, visibelmente nervoso, o interrompeu en varias ocasións e unha candidata do PSOE que se limitou a facer un exercicio de autocompracencia.

Ler novas

"O que palpamos no día a día é que a xente ten esperanza non só de que entremos no Goberno Local, senón de que o lideremos"

16/maio/2023

“O que palpamos no día a día en que a xente ten esperanza non só de que entremos no Goberno Local, senón de que o lideremos”, afirmou esta mañá Avia Veira, número 2 da candidatura do BNG, no almorzo informativo que partillou coa Asociación da Prensa da Coruña.

Ler novas

Encontro polo galego, medio de creación artística e tamén de riqueza

15/maio/2023

Na Galiza en xeral e na Coruña en particular hai xente –moita dela nova, moita dela neofalante- que ten o galego como medio de expresión e de creación artística e tamén de riqueza.

Ler novas

Unha sesión vermú moi especial para Mercedes Queixas e Francisco Jorquera

14/maio/2023

"É o barrio da miña vida. Aquí me criaron meus pais. Aquí decidín fixar a miña residencia", dixo Mercedes Queixas ao presentar a quinta sesión vermú do BNG. "Sinto este barrio como meu. Aquí pasei a miña nenez. Aquí pasei a miña mocidade. Aquí residiu miña nai até o seu falecimento", apuntou Jorquera. Houbo emoción, boa música -Leria nunca falla-, houbo propostas políticas e, sobre todo, houbo tempo para, caña e vermú mediantes, o convivio e a confraternización.

Ler novas

O eixo da política comercial do Goberno Local do BNG: apoiar os mercados municipais e as tendas de proximidade

13/maio/2023

O candidato do BNG á Alcaldía, Francisco Jorquera, visitou esta mañá o Mercado de Elviña da man do presidente das súas praceiras e praceiros, Leonardo Tomé.

Ler novas