Novas

É difícil de entender por que a estas alturas, comezos do mes de decembro, o Goberno Local aínda non ten convocado o Consello Escolar Municipal, tendo en conta que o curso académico principiou o pasado 11 de setembro.

O Pleno do Concello, en sesión extraordinaria, deu luz verde este mércores 29N á aprobación inicial dos orzamentos do Concello da Coruña para 2024, cos votos favorábeis dos grupos municipais socialista e nacionalista e o voto en contra do PP.

A concelleira do BNG Mercedes Queixas mantivo recentemente un encontro un colectivo de veciñas e veciños do barrio dos Mallos.

A Coruña vai ter por fin orzamentos novos -os vixentes son os prorrogados de 2022- e vainos ter xa a partir de 1 de xaneiro de 2024, a primeira vez que tal cousa acontece desde 2015.

É o produto dunhas "negociacións intensas e laboriosas" que "felizmente deron froito", dixo o portavoz do BNG no Concello, Francisco Jorquera, após asinar coa alcaldesa da Coruña, Inés Rey, o Acordo Político que garantirá a aprobación das contas en tempo e forma.

Quen vai gañar con este Acordo é, sen dúbida, a nosa cidade, enfatizou Jorquera na súa intervención ante os medios.

Uns "bos orzamentos", sociais, comprometidos cos barrios, con medidas para lidar co problema do acceso á vivenda. Uns orzamentos expansivos, 375 millóns de euros, para dinamizar a economía local e contribuír á creación de tecido produtivo e emprego de calidade.

Os orzamentos do Concello para 2024 serán uns “bos orzamentos” e entrarán en vigor o 1 de xaneiro, o que constitúe “un logro do que debemos felicitarnos”, unha circunstancia que non acontecía desde 2015. Nestes termos expresouse o portavoz do BNG no Concello, Francisco Jorquera, após ter asinado coa alcaldesa Inés Rey o Acordo Político que posibilitará a aprobación do proxecto de orzamento do Concello da Coruña para 2024, produto de “meses de negociacións intensas e laboriosas, pero que deron froito”.

O convenio entre os concellos da Coruña e Culleredo para conxuntamente garantir un adecuado servizo de taxi ás persoas usuarias do aeroporto de Alvedro ficou suspendido hai dous anos e desde entón non foi retomado.

A Coruña necesita uns novos orzamentos -foi un erro prorrogar os de 2022-, mais non lle vale calquera cousa.

No Pleno do pasado 9 de novembro, a concelleira do BNG Avia Veira formulou unha pregunta oral ao Executivo coruñés sobre o funcionamento xeral de BiciCoruña, instándoo a que tivese en conta certas queixas das persoas usuarias.

Na sesión de control ao Goberno Local do #PlenoNovembro a concelleira do BNG Mercedes Queixas interesouse pola situación das bibliotecas municipais xestionadas de forma indirecta, marcada polo fin do contrato da actual concesionaria -a 31 de outubro- e polos antecedentes de precariedade laboral, con atrasos na percepción dos seus salarios, sufrida polo cadro de persoal.

Queixas instou o “goberno en minoría de Inés Rey” a que convocase canto antes a primeira reunión da Comisión Especial de Bibliotecas, constituída hai xa un ano, e a que se avanzase na unificación da rede de bibliotecas, tal e como o BNG pactara xa co PSOE no Acordo de Investidura do primeiro mandato da actual alcaldesa.

A resposta de Gonzalo Castro é que existe o compromiso da continuidade na prestación do servizo “até que unha nova adxudicación estea garantida” e, canto á unificación da rede, para todas as bibliotecas municipais seren xestionadas directamente desde o Concello, remitiuse a un vago “estanse dando pasos”,

Sobre a posta en marcha da Comisión Especial das Bibliotecas, Castro avanzou que se reunirá por vez primeira o vindeiro 16 de novembro.