Novas

Un "grupo galego forte" para defender os intereses da Coruña no Congreso

06/xuño/2023

No andar superior da Cafetaría Macondo, os portavoces do BNG no Congreso e no Concello -Néstor Rego e Francisco Jorquera, respectivamente- ofreceron unha conferencia de prensa para dar conta do traballo realizado polo Bloque no Congreso nesta lexislatura en relación á cidade e á comarca da Coruña. Jorquera remarcou a importancia que tería a consecución dun "grupo galego forte" para a defensa dos intereses coruñeses no Parlamento estatal.

Ler novas

Jorquera: "Quen ten que dar o primeiro paso é o PSOE. Inés Rey é quen necesita os votos do BNG para ser alcaldesa"

05/xuño/2023

En relación aos contactos necesarios para garantir a gobernabilidade do Concello da Coruña, o número 1 da candidatura do BNG nas recentes eleccións municipais, Francisco Jorquera, afirma: “Quen  ten que dar o primeiro paso é o PSOE. Inés Rey é quen necesita os votos do BNG para ser investida alcaldesa”.

Ler novas

15.754 razóns para dar as grazas, 15.740 votos que fan do BNG a forza determinante no Concello

29/maio/2023

15.754 votos emitidos polas coruñesas e os coruñeses fan do BNG a forza política que aumentou máis en apoios, en termos relativos e absolutos, nestas eleccións municipais. Son 15.754 razóns para dar as grazas ás coruñesas e os coruñeses que nos deron o seu apoio este 28M. Desde logo, traballaremos arreo para estarmos á altura desa confianza.

Ler novas

Jorquera, após votar: "Se hai unha participación masiva será mellor para A Coruña e será mellor para Galiza"

28/maio/2023

Nun breve encontro cos medios após votar no colexio electoral do Castrillón, fíxoo ás 11 horas, o candidato do BNG á Alcaldía, Francisco Jorquera, fixo un chamamento ás coruñesas e aos coruñeses a que voten masivamente.

Ler novas

O BNG levará ao Goberno Local "os vosos desexos e as vosas aspiracións", proclama Jorquera no ateigado mitin de peche de campaña

26/maio/2023

No mitin de peche de campaña do BNG, nunha ateigada Dársena da Mariña, o candidato do Bloque á Alcaldía, Francisco Jorquera, chamou a concentrar no BNG “o voto de todas aquelas coruñesas e coruñeses que queren un cambio de rumbo para a nosa cidade”.

Ler novas

"A campaña? Moi ben. Fomos e estamos indo a máis", di Jorquera a poucas horas do mitin con Ana Pontón

26/maio/2023

A apenas 12 horas de concluír a campaña electoral, o candidato do BNG á Alcaldía, Francisco Jorquera, fai unha “valoración moi positiva” do desenvolvemento destes 15 días.

Ler novas

Jorquera, no encontro con delegadas/os da CIG: "Para as e os traballadores non é indiferente quen goberne no Concello"

25/maio/2023

O candidato do BNG á Alcaldía da Coruña, Francisco Jorquera, mantivo esta mañá un encontro cun cento de delegadas e delegados da CIG no salón de actos do Edificio Sindical. Jorquera estivo acompañado polo deputado do BNG no Congreso Néstor Rego e polos tamén integrantes da candidatura do Bloque Celia Armas, Carlos Varela e Iago Pazos, números 11, 10 e 17, respectivamente.

Ler novas

Os gravísimos feitos sobre a trama corrupta do STL que denunciou en solitario o BNG motivan a actuación da Fiscalía

24/maio/2023

O candidato do BNG á Alcaldía da Coruña, Francisco Jorquera, considera como “feitos gravísimos” os que levan a Fiscalía a investigar as concesionarias dos servizos de limpeza e de recollida do lixo como presuntas cooperadoras dun delito de corrupción dentro do caso STL.

Ler novas

Pontón pide concentrar no BNG o voto das persoas que queren unha Coruña en grande, sustentábel, feminista e de vangarda

23/maio/2023

O Parque de Eirís -moi perto das ruínas do coñecido como Castelo de Valparaíso, desde o que se enxerga unha espectacular vista da baía coruñesa- acolleu este martes unha reunión de candidatas e candidatos do BNG da cidade e da comarca coa portavoz nacional Ana Pontón. A líder nacionalista chamou a concentrar na lista liderada por Jorquera o voto das persoas que queren unha Coruña en grande, sustentábel, feminista e de vangarda.

Ler novas

Un alcalde do BNG non toleraría que Defensa actuase como unha inmobiliaria na nosa cidade

22/maio/2023

Arroupado por un nutrido grupo de persoas –entre elas Avia Veira e Mercedes Queixas, números 2 e 3 da candidatura do BNG-, o candidato do Bloque á Alcaldía, Francisco Jorquera, instou esta mañá ao Ministerio de Defensa a que “deixe de se comportar como unha inmobiliaria e a que ceda os seus terreos ao Concello, sen custo, para que A Coruña poda engrosar o seu parque municipal de vivendas”.

Ler novas