Orzamentos do Concello para 2025

No #PlenoExtraordinario do 18N, o portavoz do BNG no Concello, Francisco Jorquera, debullou as razóns que levan a formación nacionalista a tomar a decisión de non negociar os orzamentos do Concello para 2025.

Xa o 30 de setembro, o BNG anunciou que non comezaría as negociacións das novas contas mentres non se cumpriren os acordos previos (investidura e orzamentos 2024) asinados co PSOE.

Durante mes e medio, o BNG puido constatar que eses acordos están moi lonxe de se verificaren de forma satisfactoria, a pesar de si se ter producido algúns avances, tímidos e insuficientes.

É por isto que o BNG resolveu non entrar a negociar nada para 2025 ao se ter producido unha quebra no principio de confianza que debe rexer necesariamente a relación entre dúas forzas políticas distintas.

O Goberno Local, se quere aspirar a acordos futuros, ten de mudar de actitude e facer o necesario para que se restaure esa necesaria confianza. E mudar de actitude pasa por asumir que é un goberno en minoría e que, necesariamente, ten que dialogar co resto de grupos, e de forma moi especial con aquel, o BNG, co que asinou o acordo en virtude do cal Inés Rey accedeu á Alcaldía.

Terceiro Fío Directo co BNG no que vai de mandato en María Pita e, como os anteriores, este encontro co tecido cívico coruñés foi moi participativo. Houbo troca de impresións e reflexións e tamén espazo para o grupo municipal trasladar as claves das razóns que nos levan a non negociar os orzamentos do Concello para 2025. Quebrouse a confianza no Goberno Local. Tócalle agora ao Executivo coruñés restaurala. Tócalle rectificar. O BNG, desde logo, continuará a facer unha oposición útil para as coruñesas e os coruñeses.

O portavoz do BNG no Concello, Francisco Jorquera, sae ao paso das declaracións realizadas onte pola alcaldesa a respecto do anuncio feito polo grupo municipal nacionalista sobre os orzamentos para 2025.

No curso do Pleno extraordinario habido esta mañá, o portavoz do grupo municipal do BNG, Francisco Jorquera, anunciou que a formación nacionalista non ve posíbel o acordo sobre os orzamentos do Concello para 2025 ao se producir unha “creba do principio de confianza” cun Goberno Local que continúa sen cumprir a maioría dos pactos asinados co Bloque, quer o de investidura quer o das contas do Concello actualmente vixentes.

O portavoz do BNG no Concello, Francisco Jorquera, saíu hoxe ao paso da proposta de rebaixa das taxas e impostos municipais feita polo PP.

No Pleno de novembro, o portavoz do Goberno Local anunciou a intención de conxelar as taxas do concello en 2025. Faino despois de que o BNG durante esta semana lle advertise, no curso de conversas sobre as ordenanzas fiscais, que o único escenario que contemplabs era o da conxelación dos tributos municipais.

“Somos conscientes de que somos un Goberno Local en minoría e que temos que chegar a acordos co BNG. Somos conscientes de que todo é mellorábel. Estamos traballando para os acordos saíren adiante”, dixo o portavoz do Executivo coruñés, José Manuel Lage, ao ser interpelado ao respecto polo voceiro do BNG no Concello, Francisco Jorquera.

O Comedor Abelenda do Pazo de María Pita acolleu esta mañá unha “reunión formal” entre o grupo municipal do BNG e integrantes do Goberno Local para dar así cumprimento o compromiso do Acordo de Investidura segundo o cal no mes de setembro comezaría a negociación dos orzamentos do exercicio seguinte.