O BNG comparte a preocupación das e dos traballadores perante unha decisión empresarial que claramente, e á vista dos beneficios da compañía obtidos mesmo en plena pandemia, non ten ningunha xustificación obxectiva e que lesiona gravemente os dereitos das e dos operarios.

Alén de participar na concentración que tivo lugar esta tarde diante da refinaría, o BNG vai levar este asunto ao Congreso dos Deputados e desde logo tamén vai demandar explicacións á Xunta da Galiza, sendo que a administración galega ten atribuídas as competencias en materia de política industrial.