Novas

A respecto da polémica sobre a Estación Intermodal entre a Xunta e o Goberno Local, o grupo municipal do BNG lamenta a actitude de ambas administracións. 

O portavoz do BNG en María Pita, Francisco Jorquera, dirixiu unha pregunta por escrito ao Goberno Local sobre o núcleo da Fontaíña, na parroquia de San Vicenzo de Elviña, claramente necesitado de actuacións que o doten de máis e mellores espazos públicos e equipamentos comunitarios.

A portavoz do BNG en Europa, Ana Miranda, a deputada no Parlamento Galego, Mercedes Queixas, e o portavoz municipal do Bloque na Coruña, Francisco Jorquera, trasladaron ás mariscadores e mariscadoras da Ría do Burgo a satisfacción do Bloque por que a súa loita desde hai 14 anos dea os seus froitos: a ría vai ser dragada e o colectivo vai cobrar as compensacións polo cesamento da súa actividade mentres duren as obras. “É un exemplo de loita ambiental e económica para outros casos de rías que aínda non están saneadas”, destacou Ana Miranda.

O novo contrato da planta de residuos de Nostián, o anterior concluíu en decembro de 2019, está máis no aire que nunca despois de que a concelleira de Medio Ambiente, Esther Fontán, dixese esta tarde no Pleno, a unha pregunta de Francisco Jorquera, que o modelo de separación húmido e seco da Coruña (consistente en catro contentores na rúa) non tería cabida na nova lei de residuos e solo contaminado que se tramita nas Cortes Xerais do Estado.

O Pleno de febreiro aprobou por unanimidade as mocións do BNG sobre a situación de Alu Ibérica e sobre a necesidade de dotar a cidade e a comarca dun tren de proximidade. Porén, rexeitou, cos votos en contra do PP e a abstención do PSOE, a moción nacionalista, conxunta coa Marea e coa concelleira non adscrita Isabel Faraldo, sobre a memoria histórica en que se demandaba o apoio do Concello á Marcha Cívica, o Roteiro da Vergoña, coa que a Comisión para a Recuperación da Memoria Histórica quere denunciar a supervivencia na cidade de símbolos franquistas.

A planta de Alu Ibérica na Coruña está nunha situación límite, á beira do peche, o que resultaría na perda de 300 postos de traballo directos. “Por empregarmos un símil futbolístico, estamos nos minutos de desconto para intentar evitar o peche doutra industria na Coruña e na nosa comarca”, alerta o noso voceiro en María Pita, Francisco Jorquera, quen mañá defenderá no Pleno unha moción ao respecto.

O BNG acada un acordo unánime na Comisión de Pesca, tras aceptar unha emenda do Partido Popular,  polo que o Parlamento de Galiza insta a Xunta a “adiantar os cartos das compensacións económicas por  inactividade obrigada aos mariscadores  da Ría do Burgo durante o tempo que duren as obras de dragaxe e rexeneración, previa garantía de transferencia, mediante a sinatura dun convenio dos fondos pertinentes polo Estado para esta finalidade, o que permite activar garantías de protección aos mariscadores e evitarlles un compromiso de endebedamento  engadido innecesario, dende o inicio das obras”.

O portavoz do BNG en María Pita, Francisco Jorquera, dirixiu unha pregunta por escrito ao Goberno Local en relación ao desenvolvemento das clases de reforzo escolar que na actualidade se imparten nos centros cívicos de titularidade municipal.

Militantes e simpatizantes do BNG tiveron esta mañá presenza na manfiestación da CIG que percorreU as rúas da cidade en contra dunha nova reforma laboral, desta volta da man do Goberno do PSOE e Unidas Podemos, que mantén os aspectos máis lesivos da lexislación do PP e volve favorecer os intereses do capital.

Como todos os anos, o cemiteiro de Santo Amaro acolleu este sábado un nutrido grupo de militantes e simpatizantes do BNG quen, convocados polo grupo de barrio de Monte Alto da organización nacionalista. tributaron unha sentida homenaxe a Moncho Valcarce (1935-1993), o coñecido como cura das Encrobas.