Novas

O Goberno Local ten “responsabilidade”, compartida coa empresa concesionaria, na situación que atravesan as traballadoras e traballadores das bibliotecas municipais, abocadas a unha folga ao non teren percibido aínda a nómina do mes de xuño nin a paga extra que lles correspondería cobrar agora.

Novo Día do Orgullo LGBT e novamente a fachada do Pazo de María Pita non luciu este martes 28X ningún símbolo propio desta celebración. Ningunha faixa, ningunha bandeira “arco da vella”.

A concelleira do BNG Avia Veira acaba de rexistrar unha pregunta por escrito en relación ao novo réxime de tarifas de Bicicoruña.

Máis unha vez, unha multitude, composta moi maioritariamente por xente moza, volveu mostrar nas rúas da cidade a súa dignidade, a súa indomábel autoestima, no Día do Orgullo LGTB.

O portavoz do BNG en María Pita, Francisco Jorquera, mantivo esta mañá, nas nosas oficinas no Concello, un encontro con representantes do comité de empresa de Althenia, concesionaria do servizo de mantemento e conservación de parques e xardíns.

O Plan Director do Barrio das Flores recibe unha valoración positiva por parte da militancia do BNG desa área da cidade. Con todo, os e as nacionalistas xulgan que, a piques de se facer dous anos da licitación do proxecto, é moita hora de que se comece a pasar dos anuncios aos feitos, sendo que polo momento, alén de recoller ideas e propostas, aínda non se destinou nin un só euro a actuacións que poidan mellorar a vida da veciñanza.

O portavoz do BNG en María Pita, Francisco Jorquera, vén de rexistrar unha pregunta por escrito ao Goberno Local a medio da cal interésase por saber en que estado se acha o desenvolvemento do Plan Director do Parque de Santa Margarida.

Néstor Rego e Mercedes Queixas, parlamentares do BNG no Congreso e na cámara galega, respectivamente, recibiron senllas respostas a preguntas formuladas aos gobernos do Estado e galego en relación ao proxecto de construción dunha pasarela entre As Xubias e a praia de Santa Cristina.

O pasado 14 de xuño, a concelleira do BNG Avia Veira solicitou por escrito ter acceso ao “acordo extraxudicial” ao que, de acordo con informacións xornalísticas, terían chegado o Concello e a Sociedade de Infraestruturas e Equipamentos Penitenciarios, organismo estatal que ostenta a titularidade do antigo cárcere provincial. Pois ben, en resposta a esta solicitude, o Goberno Local –en concreto a Dirección de Área De Urbanismo- afirma que “non ten documentación nin coñecemento de ningún acordo extraxudicial en relación ao antigo cárcere provincial”.

A Xunta Xeral da Empresa Municipal de Vivenda, Servizos e Actividade (EMVSA) realizou esta mañá unha reunión ordinaria cun obxectivo básico, aprobar unha ampliación de capital de 830 mil euros para atender distintas encomendas desta compañía pública.