“O criterio do BNG sempre foi moi claro. Unha persoa eleita nas listas dunha formación política debe renunciar ao seu escano se abandona a forza coa que concorreu ás eleccións. Lamentabelmente, o Goberno Local non compartiu ese criterio e a alcaldesa fixo un nomeamento do que agora se derivan responsabilidades políticas”, afirma Jorquera.

Quen nomeou a concelleira de Deportes foi Inés Rey e, por tanto, cábelle á alcaldesa asumir esas responsabilidades e dar explicacións.

A anulación do nomeamento da concelleira de Deportes representa o cume da inestabilidade que ten caracterizado o actual mandato de Inés Rey, marcado por sucesivas crises no goberno local (con episodios anteriores como o cesamento da concelleira de Emprego, a renuncia do edil de Urbanismo ou a retirada de competencias ao responsábel de Cultura).