Bloque Nacionalista Galego da Coruña Memoria-Historica

Memoria-Historica
Novas
Acto tributo a Pedro Galán Calvete no cemiterio de Santo Amaro

Emotivo tributo a Pedro Galán Calvete, o mozo de 19 anos que nos deixou un fermoso legado de amor a Galiza

21/set./2024
Un cento de persoas reuníronse esta mañá no cemiterio de Santo Amaro para, diante da súa tumba, renderlle un emotivo tributo á memoria de Pedro Galán Calvete, o mozo coruñés de 19 anos que foi asasinado en setembro de 1936 por aqueles que odiaban os seus ideais galeguistas, nacionalistas e progresistas, aqueles que instauraron un réxime de terror e opresión que se prolongou durante catro décadas.
Ler novas
Novas
Tributo Pedro Galán Calvete 2

Sempre con Pedro Galán Calvete

16/set./2022
Ao mozo coruñés Pedro Galán Calvete asasinárono en setembro de 1936, con apenas 19 anos recén cumpridos, e fixérono polo seu compromiso co ideario nacionalista, republicano, progresista e demócrata. O seu corpo sen vida apareceu nunha gabia dunha estrada na Corveira (Culleredo).
Ler novas
Novas
Tributo aos obreiros de Brens

A impresionante dignidade dos 8 obreiros de Brens

22/ago./2022
Un sinxelo e emotivo tributo –unha ofrenda floral diante do monumento da memoria deseñado por Isaac Díaz Pardo no Campo da Rata- foi o que renderon na mañá do sábado 20 de agosto militantes do BNG de Cee e Corcubión aos 8 obreiros da fábrica de Brens, sindicalistas da naquela altura chamada Fábrica Hidroeléctrica do Pindo- fusilados o 18 de decembro de 1936 por teren organizado unha folga contra o golpe de estado fascista. Na homenaxe participou o portavoz do BNG no Concello, Francisco Jorquera.
Ler novas
Vídeo
8 anos para presentar a demanda sobre a Casa Cornide?

8 anos para presentar a demanda sobre a Casa Cornide?

03/xuño/2022

Eis o debate no Pleno entre o noso portavoz no Concello, Francisco Jorquera, e o concelleiro de Memoria Histórica, Jesús Celemín, sobre a Casa Cornide. Conclusión? Que o Goberno Local pon como tope 2027 (!) para presentar a demanda para recuperar a Casa Cornide. Pois seica 8 anos foi o tempo empregado por Michelangelo en pintar a Capela Sixtina.

"Teñen de verdade vontade política de iniciar a batalla legal para que os Franco nos devolvan o roubado?", pregúntalle Jorquera e Celemín responde que "ten tempo sobrado" para presentar a demanda, sendo que Buonarroti non só pintou os frescos da bóveda, senón tamén o altar.

Ou sexa, falta vontade política no Goberno de Inés Rey -que dispón dun informe xurídico favorábel desde decembro de 2020- para ir aos tribunais e encetar o proceso que leve á restitución á cidade dunha xoia do barroco coruñés que en tempos até foi sede do Concello.

Ler novas
Novas
Risas fachas

Un vídeo para que se presente xa a demanda sobre a Casa Cornide

15/out./2021
Hai nove meses que o Concello da Coruña xa dispón de informes de profesores da UDC que indican que unha demanda para recuperar a titularidade da Casa Cornide conta con suficientes garantías de éxito. Mais tal acción xudicial non acaba de ser formulada, o que motivou unha recente pregunta en Pleno de Avia Veira e o que anima agora o BNG da Coruña a lanzar un vídeo sobre o asunto (disponíbel na nosa canle en Youtube).
Ler novas
Vídeo
Para cando a demanda do Concello sobre a Casa Cornide?

Para cando a demanda do Concello sobre a Casa Cornide?

15/out./2021

Hai nove meses que o Concello da Coruña xa dispón de informes de profesores da UDC que indican que unha demanda para recuperar a titularidade da Casa Cornide conta con suficientes garantías de éxito. Mais tal acción xudicial non acaba de ser formulada, o que motivou unha recente pregunta en Pleno de Avia Veira e o que anima agora o BNG da Coruña a lanzar un vídeo sobre o asunto.

O vídeo retrata, desde un rexistro humorístico e cun elenco encabezado pola inefábel parella Francisco Franco e Carmen Polo, como foi artellada a fraude que levou a que a Casa Cornide -xoia arquitectónica barroca en pleno corazón da Cidade Vella, en tempos sede do Concello-, fose espoliada polo ditador, coa entusiasta colaboración de connotados fascistas locais como Pedro Barrié de la Maza ou o naquela altura alcalde Sergio Peñamaría de Llano, devotos franquistas que continúan a contar con rúas na nosa cidade.

Ler novas
Novas
Furgoneta no garaxe da Casa Cornide

O BNG leva ao Parlamento a apertura ao público da Casa Cornide

13/out./2021
A deputada do BNG Mercedes Queixas rexistrou unha batería de preguntas no Parlamento galego por medio das cales se interesa por saber como e cando a Xunta vai garantir a inmediata apertura ao público da Casa Cornide após a publicación no DOG, en maio pasado, da incoación do procedemento de declaración do palacete como Ben de Interese Cultural.
Ler novas