Novas

O pasado 14 de xuño, a concelleira do BNG Avia Veira solicitou por escrito ter acceso ao “acordo extraxudicial” ao que, de acordo con informacións xornalísticas, terían chegado o Concello e a Sociedade de Infraestruturas e Equipamentos Penitenciarios, organismo estatal que ostenta a titularidade do antigo cárcere provincial. Pois ben, en resposta a esta solicitude, o Goberno Local –en concreto a Dirección de Área De Urbanismo- afirma que “non ten documentación nin coñecemento de ningún acordo extraxudicial en relación ao antigo cárcere provincial”.

A Xunta Xeral da Empresa Municipal de Vivenda, Servizos e Actividade (EMVSA) realizou esta mañá unha reunión ordinaria cun obxectivo básico, aprobar unha ampliación de capital de 830 mil euros para atender distintas encomendas desta compañía pública.

No pleno do pasado mes de xuño a Corporación aprobou por unanimidade unha moción do BNG, defendida por Avia Veira, que substancialmente demandaba dúas cousas do Goberno Local. Primeira, que se dirixise ás concesionarias do Servizo de Atención a Domicilio (SAD) para lembrarlles a súa obriga de actualizar os salarios das súas traballadoras de acordo co IPC de 2021 (6,5%). Segunda, que instase a Xunta de Galiza a incrementar o financiamento do SAD por medio do aumento do prezo do servizo, de modo a mellorar as condicións laborais das traballadoras.

A oferta de prazas nos chamados Campacoles –unha iniciativa da Federación de ANPAS e do Concello da Coruña- sofreu este 2022 un drástico corte en relación a 2021.

Hai tres semanas, exactamente o 20 de maio, o grupo municipal do BNG, por iniciativa de Avia Veira, rexistrou unha petición por escrito ao Goberno Local para que se nos facilitase copia do convenio enviado pola Sociedade Estatal de Institucións Penitenciarias (SEIP) ao Concello en relación á antiga prisión provincial.

O portavoz do BNG no Concello, Francisco Jorquera, mantivo esta mañá unha reunión con traballadores do servizo de vixilancia do Kiosko Alfonso e da Casa da Cultura Salvador de Madariaga da Rúa Durán Loriga, nunha situación límite ao non percibiren os seus salarios desde decembro e na práctica ter desaparecido a empresa concesionaria sen que o Goberno Local licitase o novo concurso.Ser

Eis o debate no Pleno entre o noso portavoz no Concello, Francisco Jorquera, e o concelleiro de Memoria Histórica, Jesús Celemín, sobre a Casa Cornide. Conclusión? Que o Goberno Local pon como tope 2027 (!) para presentar a demanda para recuperar a Casa Cornide. Pois seica 8 anos foi o tempo empregado por Michelangelo en pintar a Capela Sixtina.

"Teñen de verdade vontade política de iniciar a batalla legal para que os Franco nos devolvan o roubado?", pregúntalle Jorquera e Celemín responde que "ten tempo sobrado" para presentar a demanda, sendo que Buonarroti non só pintou os frescos da bóveda, senón tamén o altar.

Ou sexa, falta vontade política no Goberno de Inés Rey -que dispón dun informe xurídico favorábel desde decembro de 2020- para ir aos tribunais e encetar o proceso que leve á restitución á cidade dunha xoia do barroco coruñés que en tempos até foi sede do Concello.

Michelangelo Buonarroti empregou 4 anos en pintar os frescos da bóveda da Capela Sixtina, entre 1508 e 1512, e Francisco Jorquera preguntoulle hoxe ao concelleiro de Memoria Histórica, Jesús Celemín, se o Goberno Local demoraría máis en presentar a demanda para recuperar a titularidade da Casa Cornide, espoliada durante a ditadura franquista.

Nin o PSOE nin o PP apoiaron no pleno ordinario do mes de xuño realizado ese xoves a celebración dunha consulta popular sobre o futuro dos peiraos do porto interior. Os seus votos tombaron a moción asinada conxuntamente por BNG, Marea Atlántica e a concelleira non adscrita, unha iniciativa promovida por Defensa do Común e diversas entidades veciñais e culturais.

A realidade do barrio da Agra do Orzán resúmese nestes números: en apenas medio quilómetro cadrado moran 29.000 persoas, o que resulta nunha das densidades de poboación maiores de todo o Estado.