Novas

Exiximos a reparación inmediata dos paneis exteriores danados desde hai un ano do centro Ágora

Lembramos que xa é a segunda iniciativa que presentamos a este respecto e denunciamos que desde antes do verán pasado que estes paneis amosan danos por vandalismo

A finais do ano pasado preguntamos para cando serían reparados estes danos indicándosenos que se estaba tramitando en función de que se a reparación ía a cargo do mantemento do edificio ou a cargo da cobertura do seguro; pois ben, a volta de medio ano a tramitación deben ser moi dificultosa xa que os paneis seguen rotos e seguen sen repararse despois dun ano enteiro. Exiximos que se repare dunha vez e que se deixe de dar voltas a conta dunha actuación ben sinxela

Exiximos de vez que o Goberno municipal indique se ten a intención ou non de levar o convenio da Compañía de Tranvías á Comisión Europea tal e como recomendou a Comisión Nacional dos Mercados e da Competencia

Denunciamos que desde que se fixeron públicas as conclusións da CNMC a única reacción desde a Área de Mobilidade foi avanzar que só baralla alternativas que sempre beneficiarían á propia empresa concesionada

Queremos que o alcalde explique de que lado está este Goberno: se do lado dunha empresa privada cunha concesión que ten sido lesiva ás arcas do Concello e que ten permitido un beneficio privado continuado e excesivo a conta dos orzamentos municipais, ou se está do lado da veciñanza da Coruña e do ben xeral

Solicitamos ao Goberno municipal que realice obras de reparación e mantemento para o Centro Cívico de San Diego

Presentamos unha iniciativa para o próximo Pleno ordinario de xuño para que se substitúan varias cristaleiras rotas e se fagan labores de illamento e deshumidificación nas paredes exteriores do centro especialmente danadas

É incomprensíbel que o Goberno municipal só baralle dúas opcións, ambas en beneficio da Compañía de Tranvías, a respecto do transporte urbano colectivo

Demandamos ao Executivo da Marea Atlántica que aplique de xeito inmediato a recomendación da Comisión Nacional dos Mercados e da Competencia e notifique á Comisión Europea a situación para que avalíe a posíbel existencia de axudas do Estado incompatíbeis coa legalidade europea

O debate principal non se debe dar a respecto do prezo do bus se non na concesión en si, por ter sido lesiva ás arcas do Concello, e permitir o beneficio privado da Compañía de Tranvías garantindo sempre superávit a conta dos orzamentos municipais, e lamentamos que en ningún momento o Executivo da Marea Atlántica teña formulado como posibilidade a xestión pública municipal

Parécenos lamentábel que a volta xa dun ano e medio desde que se tomou a decisión de dar por rematada a concesión en virtude de aplicar o Regulamento (CE) 1370/2007 o executivo da Marea Atlántica sega ancorado nas mesmas alternativas que as formuladas na Xunta de Goberno onde se tomou a decisión o que amosa que non ten plan de seu para o transporte urbano colectivo para a cidade

Lamentamos que finalmente se decidira realizar un despexo pola vía da execución da notificación de desaloxo antes de esgotar todas as vías de diálogo

Entendemos nefasta toda a xestión realizada polo Goberno da Marea Atlántica a respecto do edificio da Comandancia e xa avanzamos que exixiremos que se dean explicacións do procedemento seguido no próximo Pleno

Consideramos, asemade, desproporcionado o despregue policial e non entendemos que se tiveran realizado cargas durante a concentración de solidariedade convocada diante das dependencias da Comandancia e amosamos a nosa repulsa polo emprego de gases lacrimóxenos e barras extensíbeis e que provocaron varias persoas feridas

Presentamos esta mañá unha iniciativa para que se reparen os danos que hoxe existen no conxunto deste parque de Monte Alto

Hai xa meses que se eliminou a única papeleira que estaba ao carón do parque infantil: un parque que xa é de por si pequeno en comparación co grande que é a zona verde e ao que é imposíbel chegar polos sendeiros que hai construídos polo que hai que acceder a el atravesando o campo ou mesmo a lama cando vén de chover. Tamén é moi dificultoso o uso da zona de areeiro que en moitas ocasións aparece cheo de excrementos de cans e que debería atoparse valado

Tras a indicación da Comisión Nacional dos Mercados e da Competencia na que se considera que a concesión dos buses urbanos necesitan obrigatoriamente axustarse á normativa europea, asemade doutras consideracións a conta do chamado “beneficio industrial” e da “ausencia de perdas” entendemos que están máis que xustificas as nosas continuadas denuncias que temos realizado a respecto da inacción e a falta de alternativas ao transporte colectivo da Área de Mobilidade Sostíbel

Levamos sinalando desde hai anos as mesmas conclusións emitidas pola CNMC, e que nos levaron a criticar constantemente a concesión por ser lesiva ás arcas do Concello e permitir o beneficio privado da Compañía de Tranvías garantindo sempre superávit a conta dos orzamentos municipais

Desde que o Goberno da Marea Atlántica decidiu aplicar o Regulamento (CE) 1370/2007 polo que se concluía que a extinción da concesión, a data de 1 de decembro de 2016, e que non derivaría en consecuencias xurídicas nin económicas para o Concello, nin se artellaron alternativas, nin se teñen buscado, e menos aínda se ten estudado a posibilidade dunha xestión pública municipal

Por sorpresa, e de xeito improvisado, o 28 de novembro de 2016, en Xunta de Goberno, o Executivo decidiu, na mesma sesión, dar por rematada a concesión e aprobar unha prórroga por dous anos, que conclúe o 30 de novembro deste 2018. Desde entón non soubemos que alternativas se barallaron malia as continuas preguntas e iniciativas que temos trasladado ao Pleno. E hoxe atopámonos con esta resolución da CNMC, que sinala o obrigado axuste ás exixencia da Comisión Europea. Exiximos, por tanto, que se expoña o plan que se ten para o transporte na Coruña, preguntándonos se a Marea Atlántica se vai a limitar exclusivamente a facer un convenio novo que unicamente beneficie á Compañía de Tranvías e renunciando á oportunidade histórica de buscar alternativas para un servicio público de xestión municipal

Presentamos unha iniciativa para que se detalle se se fai seguimento da ocupación de colectores de entullos na vía pública

Veciñanza da zona centro achegounos queixas da aparente colocación permanente de colectores de empresas que teñen remado xa obras de rehabilitación, ou mesmo construción, mais que aínda non foron retiraron e solicitamos ao Goberno municipal implicarse para a liberación destes espazos

Felicitamos á A.VV. da Cidade Vella e á Comisión Aberta en Defensa do Común pola convocatoria da consulta popular que se celebrará ao longo desta fin de semana a respecto dos terreos da Maestranza

Lembrámoslle, do mesmo xeito, o Goberno municipal da Marea Atlántica que segue sen cumprir a moción aprobada en Pleno que instaba a convocar unha consulta popular polos terreos portuarios e exíxenlle que poña unha data de xeito inmediato

Preguntamos novamente polo desprendemento de terra nun noiro na rúa Jaime Hervada no barrio do Ventorrillo

Imos xa para os tres meses desde o desprendemento de parte deste noiro, e despois de preguntar sobre o mesmo ao Goberno municipal, a situación segue exactamente igual, e as respostas transmitidas limítanse a sinalar que o terreo é de titularidade privada devolvendo a incidencia á policía. Preguntámonos entón cal é o labor do Goberno cando parte dunha rúa está ocupada por terra e pedras, invadindo unha vía de uso público e con valados e sinais indicativos ciscados e aparentemente abandonados por riba do entullo