teleperformance

Ante a difícil situación pola que atravesa o cadro de persoal de Teleperformance A Coruña, sobre o que pesa unha ameaza de ERE, os grupos municipais de PP, PSOE e BNG acordaron un comunicado do Concello da Coruña en solidariedade con este colectivo de traballadoras e traballadores e en apoio ás súas xustas demandas e reivindicacións.

Ana Pontón estivo esta mañá na Coruña para mostrar o apoio do BNG á causa do persoal de Teleperformance, ameazado cunha deslocalización a Colombia que acabaría con 100 empregos e lesionaría o dereito da veciñanza a ser atendida en galego as 24 horas. A portavoz nacional reuniuse nun hotel da cidade co comité de empresa de Teleperformance e estivo acompañada pola deputada Mercedes Queixas, o noso voceiro en María Pita, Francisco Jorquera, e a nosa concelleira Avia Veira.

O deputado do BNG no Congreso, Néstor Rego, vén de rexistrar iniciativas para evitar a deslocalización do servizo de atención telefónica ao cliente de Unión Fenosa Distribución na Coruña, por parte da empresa Teleperformance, e garantir a continuidade dos postos de traballo. A formación nacionalista defende realizar as mudanzas necesarias para blindar o servizo de atención ás persoas consumidoras, tamén para aquelas que queiran ser atendidas en galego. Propón que se condicione o acceso das empresas eléctricas a fondos públicos e a novas autorizacións de xeración a que a súa actividade económica resulte de maneira positiva no territorio creando postos de traballo estábeis.

Francisco Jorquera: "Chove sobre mollado; após o desmantelamento do centro operativo da Rede Norte de Naturgy o ano pasado, agora toca liquidar o servizo de atención á clientela de UFD, que se vén prestando ininterrompidamente en Teleperformance da Coruña desde hai 25 anos"