Bloque Nacionalista Galego da Coruña

É incomprensíbel que o Goberno municipal só baralle dúas opcións, ambas en beneficio da Compañía de Tranvías, a respecto do transporte urbano colectivo

Demandamos ao Executivo da Marea Atlántica que aplique de xeito inmediato a recomendación da Comisión Nacional dos Mercados e da Competencia e notifique á Comisión Europea a situación para que avalíe a posíbel existencia de axudas do Estado incompatíbeis coa legalidade europea

O debate principal non se debe dar a respecto do prezo do bus se non na concesión en si, por ter sido lesiva ás arcas do Concello, e permitir o beneficio privado da Compañía de Tranvías garantindo sempre superávit a conta dos orzamentos municipais, e lamentamos que en ningún momento o Executivo da Marea Atlántica teña formulado como posibilidade a xestión pública municipal

Parécenos lamentábel que a volta xa dun ano e medio desde que se tomou a decisión de dar por rematada a concesión en virtude de aplicar o Regulamento (CE) 1370/2007 o executivo da Marea Atlántica sega ancorado nas mesmas alternativas que as formuladas na Xunta de Goberno onde se tomou a decisión o que amosa que non ten plan de seu para o transporte urbano colectivo para a cidade

Tras a indicación da Comisión Nacional dos Mercados e da Competencia na que se considera que a concesión dos buses urbanos necesitan obrigatoriamente axustarse á normativa europea, asemade doutras consideracións a conta do chamado “beneficio industrial” e da “ausencia de perdas” entendemos que están máis que xustificas as nosas continuadas denuncias que temos realizado a respecto da inacción e a falta de alternativas ao transporte colectivo da Área de Mobilidade Sostíbel

Levamos sinalando desde hai anos as mesmas conclusións emitidas pola CNMC, e que nos levaron a criticar constantemente a concesión por ser lesiva ás arcas do Concello e permitir o beneficio privado da Compañía de Tranvías garantindo sempre superávit a conta dos orzamentos municipais

Desde que o Goberno da Marea Atlántica decidiu aplicar o Regulamento (CE) 1370/2007 polo que se concluía que a extinción da concesión, a data de 1 de decembro de 2016, e que non derivaría en consecuencias xurídicas nin económicas para o Concello, nin se artellaron alternativas, nin se teñen buscado, e menos aínda se ten estudado a posibilidade dunha xestión pública municipal

Por sorpresa, e de xeito improvisado, o 28 de novembro de 2016, en Xunta de Goberno, o Executivo decidiu, na mesma sesión, dar por rematada a concesión e aprobar unha prórroga por dous anos, que conclúe o 30 de novembro deste 2018. Desde entón non soubemos que alternativas se barallaron malia as continuas preguntas e iniciativas que temos trasladado ao Pleno. E hoxe atopámonos con esta resolución da CNMC, que sinala o obrigado axuste ás exixencia da Comisión Europea. Exiximos, por tanto, que se expoña o plan que se ten para o transporte na Coruña, preguntándonos se a Marea Atlántica se vai a limitar exclusivamente a facer un convenio novo que unicamente beneficie á Compañía de Tranvías e renunciando á oportunidade histórica de buscar alternativas para un servicio público de xestión municipal

Como non podería ser doutro xeito a inmediata peatonalización da Cidade Vella é unha boa nova e unha débeda pendente da nosa cidade. Mais iso non nos debe confundir polo que entendemos que se debe dar prioridade ás súas persoas residentes en canto ao aparcamento en superficie, a aclarar o papel futuro dos aparcamentos públicos de xestión concesionada da contorna e, por suposto, abrir a entidades, partidos e particulares o proxecto que finalmente sexa o que se pretenda executar para facer achegas e aportacións”

Consideramos que a peatonalización da Cidade Alta redundará na súa revitalización e considera que debe ir parella a un proceso de rehabilitación integral que transforme o casco vello nunha zona referencial da Coruña

Preguntamos ao Goberno local se entende máis prioritaria a ampliación de liña 1A para acceder ás praias de Santa Cristina que a centros sanitarios ou polígonos industriais

Rexistramos unha batería de preguntas para a súa resposta escrita para coñecer como se vai financiar a ampliación do 1A até o concello de Oleiros e como vai afectar á frecuencia desta liña

Felicitamos ao tecido asociativo e á veciñanza da Agra do Orzán pola aparente decisión do Goberno municipal de lle buscar unha alternativa ao viaduto da Rolda de Nelle

Mais lembramos que esta era unha das actuacións propostas, e que calculabamos en 50.000 euros, que foi excluída nas nosas emendas aos orzamentos municipais de 2018

A solicitude veciñal de dar unha alternativa a esta ponte remóntase a principios da década pasada e é unha demanda histórica da Asociación Veciñal da Agra do Orzán, que mesmo nós temos incorporado como unha iniciativa urbanística prioritaria nos nosos programas electorais de 2011 e 2015. Aledámonos de que por fin o Goberno da Marea Atlántica lle dea prioridade nas súas actuacións mais preguntámonos por que non se asumiu cando lla propuxemos a principio de ano e se estará realizada antes de fin de mandato

Denunciamos que o Goberno local segue sen tomar decisións en materia de mobilidade: comprometeuse a presentar publicamente o 10 de abril o novo mapa de liñas de autobús, xa vai un mes do cumprimento dese prazo e nada sabemos

A Marea Atlántica incumpriu fragrantemente o seu programa electoral en materia de mobilidade e máis concretamente o punto 32 no que prometía a reordenación da mapa de rutas de autobús urbano, ademais da priorización de paso mediante plataforma reservada (carril bus) e a mellora de accesibilidade en paradas

O concelleiro de Mobilidade Díaz Grandío terá que explicar en Pleno por que non ten presentada aínda a proposta de novas rutas para o transporte público da nosa cidade  

Trasladamos esta mañá unha batería de preguntas para a súa resposta por escrito para o vindeiro Pleno a respecto das actuacións realizadas polo Goberno municipal en materia de mobilidade desde a celebración do Foro Movémonos

O alcalde presentou dez liñas de actuación para acadar unha mobilidade sostíbel que pasaban pola “aposta pola intermodalidade, a desconxestión do centro da cidade e do interior dos barrios, a redución progresiva da velocidade máxima do tráfico, o impulso ás vías ciclables e do espazo peonil, a monitorización da mobilidade a nivel urbano e metropolitano, o pulo á mobilidade peonil, ciclista e do transporte público colectivo –incluíndo para iso medidas fiscais e tarifarias– ou a introdución do ferrocarril como medio de comunicación na área metropolitana”. Queremos saber cal destas se teñen concretado neste mais dun ano desde a celebración do foro, ou se estamos ante outro brinde ao sol, con moita proposta mais ningunha actuación real

Solicitamos tamén nas súas iniciativas aclaracións a respecto de que medidas concretas ten tomado o Goberno municipal para a posta do  servizo do transporte de proximidade en San Diego e que medidas se teñen tomado para acadar un pacto de cidade pola mobilidade sostible, tal e como propoñía Xulio Ferreiro nesa xornada

Volvemos denunciar a ausencia de solucións para o aparcamento masivo de coches na contorna da Torre de Hércules, Patrimonio da Humanidade

Facemos a proposta irónica de abrir o faro e permitir o aparcamento no seu interior. É o que lle queda á Torre

Preguntaremos de novo en Pleno por esta cuestión lembrando a obriga do Concello de protexer a contorna do faro, a declaración de ENIL do espazo e falta de seguridade para peóns e ciclistas que supón o paso de coches arredor da Cidade Deportiva da Torre

Lembramos que foi o propio Goberno da Marea Atlántica quen desestimou unha das nosas emendas aos orzamentos municipais 2018 para a reparación do pavimento da Estación de Autobuses

Presentaramos a proposta dunha partida de 100.000 euros despois de recoller as queixas de varias persoas usuarias que a aquela altura xa tiñan indicado o estado do deterioro de varias plataformas da estación

Cada día que pasa se evidencia máis que as nosas propostas estaban debidamente xustificadas. Agora o investimento para a reparación superará olgadamente a reparación, cando nós faciamos unha proposta para que isto non chegara a acontecer. Lamentamos profundamente o trastorno que se vai a producir  tantos ás usuarias e aos usuarios da Estación como aos profesionaisdo transporte público mentres permanezan pechadas as plataformas dos buses

Solicitamos ao Goberno da Marea Atlántica que explique en Pleno cal é o seu posicionamento a respecto da ampliación da Vedra

Como segunda cuestión preguntaremos se o Goberno municipal coincide coas reclamacións expresadas por diversas entidades a respecto da reformulación de liñas do transporte público urbano e a mobilidade na Coruña

Por último tamén queremos saber se o Goberno da Marea Atlántica considera necesario revisar e mellorar a Ordenanza que regula a Renda Social Municipal