dereitos-laborais

Presentamos  unha moción para o seu debate no vindeiro pleno na que demandamos que o Goberno municipal garanta o cumprimento dos dereitos laborais das traballadoras e dos traballadores dos servizos complementarios das instalacións deportivas municipais

Con esta moción defendemos que o Concello da Coruña, como Administración responsábel do contrato, ten que velar por que se cumpran as condicións recollidas nos pregos e polo tanto ten que garantir o cumprimento dos dereitos laborais das traballadoras e dos traballadores sobre todo tendo en conta que Ferrovial leva anualmente pola xestión deste servizo 1,5 millóns de euros anuais

Reunímonos coa representación das traballadoras e traballadores das instalacións deportivas municipais e recollimos as súas demandas

Entre outras iniciativas, presentaremos unha pregunta para a súa resposta oral no vindeiro Pleno ordinario de abril, e exiximos do Goberno municipal unha implicación decidida e acorde á súa “rebeldía” para garantir as condicións laborais das persoas que fan a prestación de servizos nas instalacións deportivas municipais

Queremos que no Pleno se escoiten as demandas do persoal das instalacións deportivas municipais. Nós xa temos trasladado neste mandato as súas queixas a respecto de como a empresa vulnera reiteradamente os seus dereitos laborais, e é curioso que, a maiores da pasividade do Executivo, agora, de súpeto, se sume o Partido Popular a estas reivindicacións cando no pasado ten demostrado a súa indiferenza, cando non desprezo, pola defensa dos dereitos laborais de traballadoras de servizos externalizados. Por iso parécenos moi oportuno abrir o debate no Pleno e que todos os grupos tomen posición a favor da defensa dos dereitos das traballadoras e traballadores, de condena ás practicas da empresa e que se tomen as medidas necesarias para con esta, sobre todo cando estamos a falar da prestación de servizos municipais

Denunciamos o pasotismo da Marea Atlántica diante dos incumprimentos graves en materia laboral por parte de Ferrovial nos Servizos Complementarios das Instalacións Deportivas Municipais que repercuten na súa calidade

Xuntámonos esta mañá cunha representación do Comité de Empresa de Ferrovial nos Servizos Complementarios das Instalacións Deportivas Municipais que sinalaron prácticas empresariais que van contra os dereitos das traballadoras e dos traballadores: como o desconto de días de asuntos propios ou o pagamento de horas extras como incentivos motivos polos que lles deron a razón na Inspección Laboral ou a irregularidade nos horarios ou os incumprimentos acerca dos acordos para a xestión da bolsa de traballo

As traballadoras e os traballadores non demandan máis que o que se lle debe de exixir a calquera Goberno Municipal, máis cando este se gaba de alternativo, progresista ou rebelde: que defenda unhas condicións laborais dignas para as persoas que traballan nun servizo público -por moito que estea xestionado por unha empresa- fronte aos abusos das empresas, que garanta un servizo de calidade e que xestione, xa que a empresa está a prestar o servizo fóra de contrato desde agosto de 2016, e aínda non se sabe se se vai sacar a concurso de novo ou como se vai xestionar a futuro

Amosamos a nosa indignación pola manifesta inacción da concelleira de Igualdade diante da vulneración do dereito de conciliación dunha muller traballadora dos Servizos Complementarios das Instalacións Deportivas Municipais

É unha tomadura de pelo que os que supostamente chegaron para mudalo todo sexan quen de, por unha banda, non recibir a un Comité de Empresa diante dunha solicitude de cita para tratar un incumprimento dun dereito recoñecido de conciliación a unha traballadora dunha empresa que xestiona un servizo municipal e, por outra, repetir o argumento empregado polo Goberno do Sr. Negreira e polo Partido Popular de que non se trata de persoal do Concello da Coruña senón que é unha cuestión que deben resolver as traballadoras e os traballadores coa súa propia empresa

Solidarizámonos coas persoas despedidas das empresas DXC Technology e Teleperformance

Participamos de sendas concentracións realizadas esta mañá diante destas empresas polos despedimentos que nas últimas semanas teñen realizado

No caso de DXC Technology, á antigua HP, dáse a circunstancia que os despedimentos son de persoas que levaban na máis de 28 anos traballando para a empresa e cuxo único delito foi ter unhas condicións laborais adquiridas ao longo destas case tres décadas de traballo, procedendo agora a empresa a substituílas por persoal de ETTs, ou subcontratas, sen dereitos, sen convenios e con salarios moi inferiores

Participamos da manifestación convocada polas traballadoras e polos traballadores do metal celebrada esta mañá

Tamén chamamos a secundar as convocatorias do 13, 20 e 27 deste mes que hoxe á mañá presentou a representación sindical diante da Xunta de Galiza

Non deixaremos de defender os intereses das traballadoras e traballadores que se atopen en situación de explotación laboral e vulneración dos seus dereitos. Onde faga falla e contra quen faga falla. Temos ben claro que a nós non se nos amedrenta e temos ben claro a quen temos que defender

Xa anunciamos o noso voto a favor na comparecencia do Concello da Coruña no recurso promovido por Clece SA contra o acordo do Pleno onde se aprobou a moción do BNG de apoio ao cadro de persoal desta empresa que hoxe en día presta o Servizo de Axuda a Domicilio (SAD III)

Participamos da clausura deste Congreso e resaltamos o papel fundamental do sindicato na defensa dos intereses da clase traballadora galega

Participamos da mobilización convocada polo cadro de persoal de Extel

Débese impedir a modificación substancial colectiva das condicións laborais que pretende realizar a empresa e que, de efectivizarse, afectará a 334 traballadoras e traballadores na Coruña, dun total de 857 persoas afectadas no Estado

A concentración volveu poñer de releve a situación do sector, obxecto de explotación laboral, emprego en precario e vulneracións constantes dos dereitos fundamentais e que emprega a case 3.000 persoas na nosa cidade

Preguntamos por escrito ao Goberno local se ten pensado rescindir o contrato á empresa adxudicataria do Servizo Municipal de Salvamento, Socorrismo, Vixilancia e Primeiros Auxilios nas Praias da Coruña logo de lle presentar por rexistro os múltiples incumprimentos detectados durante o seu servizo en 2016

Queremos saber se o Executivo local chegou nalgún momento a pedirlle explicacións a Move Servicios de Ocio y Deporte SL e, de non se rescindir o contrato, cales van ser as medidas de control que leve a cabo para que a empresa cumpra cos pregos

O pasado 31 de marzo presentabamos, por responsabilidade e vía rexistro municipal, un escrito dirixido á alcaldía onde detallabamos toda esta serie de incumprimentos, e polos que demandabamos que o Goberno municipal tomara unha decisión contundente, xa que logo entendíamos que o Executivo, en función desas achegas que nos aportabamos, actuaría en consecuencia e non permitirá que a empresa continuara xestionando o servizo durante 2017. Mais logo, despois de case dous meses, non houbo contestación e non sabemos cal será a decisión do Goberno e si permitirá que esta empresa sega realizando o servizo