Por cuarta vez no que vai de mandato o BNG vai formular nun Pleno a cuestión de cando se vai inaugurar o Complexo Deportivo do Castrillón. E non o vai facer por gusto, esclarece Francisco Jorquera, senón polos sucesivos incumprimentos por parte do Goberno Local dos seus propios prazos.

Os grupos municipais recibiron esta mañá, durante a Comisión de Deportes desenvolvida en María Pita, o informe que mide o impacto económico do amigábel futbolístico España-Islandia disputado no estadio de Riazor. ACHEGAMOS O INFORME.

“Obrigarase as partes ao cumprimento do convenio colectivo en vigor”, afirma o Goberno Local en resposta a unha pregunta do voceiro do BNG en María Pita, Francisco Jorquera, en relación á situación das traballadoras e traballadores da concesionaria das instalacións deportivas municipais.

O portavoz do BNG en María Pita, Francisco Jorquera, dirixiu unha pregunta por escrito ao Goberno Local en relación á perda de poder adquisitivo sufrida polo cadro de persoal de ServiplusTotal SL, concesionaria dos servizos complementarios das instalacións deportivas municipais.

O grupo municipal do BNG insta o Goberno Local a que, dando cumprimento a unha moción nacionalista aprobada polo Pleno en decembro pasado, nos convenios de colaboración do Concello cos clubs de hóckey da cidade se contemplen garantías que aseguren a igualdade de condicións entre os equipos masculinos e femininos.

O portavoz do BNG en María Pita, Francisco Jorquera, rexistrou unha pregunta por escrito para saber canto lle vai custar ao Concello ser a sede dun encontro da selección española masculina de fútbol.

Medio anos após de se adxudicar o contrato –cun prazo de execución de 8 meses-, as obras de reforma do campo de fútbol de Eirís, cos terreos xa valados, aínda non comezaron, segundo denuncia a Asociación Veciñal do barrio.

O portavoz do BNG en María Pita, Francisco Jorquera, criticou esta mañá, durante unha reunión da Comisión de Deportes, que o Goberno Local finalmente opte pola xestión indirecta dos complexos deportivos de San Diego e Castrillón.

Continúan a se acumular os retrasos sobre os prazos anunciados para a apertura –o último era en teoría o mes de marzo- do complexo deportivo do Castrillón, polo que o portavoz do BNG en María Pita, Francisco Jorquera, acaba de rexistrar unha pregunta por escrito ao Goberno Local.

O proxecto que manexa o Goberno Local é o de instalar unha base para as actividades deportivas náuticas no espazo ocupado polos antigos estaleiros Valiña. Mais este emprazamento presenta non poucos problemas para a práctica do remo olímpico e determinadas modalidades de piragüismo, polo que o BNG propón como alternativa acondicionar para estes deportes os popularmente coñecidos como terreos da Conserveira Celta, no recheo situado nas inmediacións da Pasaxe. Alí podería establecerse tamén a sede dunha futura Escola Municipal de Remo e Piragüismo. A formación nacionalista fai esta proposta a través dunha pregunta por escrito de Francisco Jorquera ao Goberno Local.