deportes

Continúan a se acumular os retrasos sobre os prazos anunciados para a apertura –o último era en teoría o mes de marzo- do complexo deportivo do Castrillón, polo que o portavoz do BNG en María Pita, Francisco Jorquera, acaba de rexistrar unha pregunta por escrito ao Goberno Local.

O proxecto que manexa o Goberno Local é o de instalar unha base para as actividades deportivas náuticas no espazo ocupado polos antigos estaleiros Valiña. Mais este emprazamento presenta non poucos problemas para a práctica do remo olímpico e determinadas modalidades de piragüismo, polo que o BNG propón como alternativa acondicionar para estes deportes os popularmente coñecidos como terreos da Conserveira Celta, no recheo situado nas inmediacións da Pasaxe. Alí podería establecerse tamén a sede dunha futura Escola Municipal de Remo e Piragüismo. A formación nacionalista fai esta proposta a través dunha pregunta por escrito de Francisco Jorquera ao Goberno Local.

Demandamos ao Goberno municipal que teña o mesmo compromiso para exixir executar as melloras no campo de Eirís que o que ten para a autorización das reformas da ampliación da Fábrica da Estrella en Agrela

Lembramos que o propio Executivo local non garantiu que os campos de Eiris estarían dispoñíbeis en setembro para o comezo da temporada 2018 – 2019

Botamos moi en falta a mesma axilidade que amosa o Goberno da Marea Atlántica para asinar acordos con entidades privadas para coa construción e reforma de dotacións e servizos públicos. O campo de fútbol de Eirís está comprometido en virtude da poxa de terreos realizada no polígono de Agrela, e incluía a súa ampliación e mellora, e será onde se trasladará a actividade deportiva que se veu desenvolvendo até o de agora no chamado Campo de Agrela II. Porén, a falta de xestión do Executivo adía de xeito indefinido para cando estará esta infraestrutura deportiva, desde logo moi necesaria na cidade

Preguntaremos sobre os prazos da reforma e adaptación do campo de fútbol de Eiris comprometido pola compra de terreos de Agrela

Despois de se asinar hoxe o contrato de compravenda dos terreos municipais poxados no polígono de Agrela entre o Concello da Coruña e Hijos de Rivera SAU, queremos que o Executivo aclare para cando está previsto o comezo do uso efectivo das novas instalacións deportivas

Preguntamos pola cancelación de diversos partidos de competición oficial neste campo municipal provocados pola falta de iluminación

Xa avanzamos que incluiremos na emenda aos orzamentos unha partida de investimentos para a reparación e, no seu caso, mellora na dotación das infraestruturas de iluminarias da instalación municipal