Como institución senlleira da nosa cidade, non podemos entender o Dépor como unha simple entidade mercantil suxeita a meras decisións empresariais.

O Dépor é moito máis do que iso, son xeracións de sentimento, son momentos compartidos por miles de persoas da nosa contorna e de toda Galiza e, por suposto, tamén de alén do noso país.

Permaneceremos atentos e vixilantes ao desenvolvemento dos acontecementos esixindo a máxima transparencia ao dono maioritario (que non único) da institución e a articulación das medidas necesarias para que o RC Deportivo goce dun futuro prometedor.

O Dépor é a súa xente!