antigo cárcere

Após a Audiencia Provincial ratificar a nulidade do convenio asinado entre o Concello e o Estado sobre o antigo cárcere provincial, a alcaldesa afirmou nos medios que vai haber unha solución a este asunto á maior brevidade posíbel.

O grupo municipal do BNG celebra o fallo da Audiencia Provincial sobre o antigo cárcere ao confirmar que, tal e como sempre defendeu a formación nacionalista, convenio asinado no seu día entre o Concello e o Estado é nulo e ao establecer que a restauración do inmóbel, en estado ruinoso, ten que correr a cargo do Estado, como tamén sempre sostivo o Bloque.

No Acordo Político que acompaña os orzamentos do Concello para 2026, e a proposta do BNG, figura o compromiso do Goberno Local de iniciar unha nova negociación sobre o antigo cárcere.

O Pleno de decembro aprobou as tres mocións formuladas polo BNG, dúas delas -a relativa ao antigo cárcere provincial e ás demandas do barrio da Agra do Orzán- por unanimidade. A iniciativa sobre o impulso do galego saíu adiante cos votos favorábeis do PSOE, mais coa oposición do PP.

Por que o Goberno do Estado decidiu ceder de xeito gratuíto ás cidades de Soria e Granada os seus antigos cárceres e no caso da Coruña se nega esa opción e se demanda unha contraprestación económica, recentemente negociada co Goberno Local?

No Pleno extraordinario co que o Concello despediu 2022, o BNG votou en contra do acordo asinado polo Goberno Local co Estado en relación ao antigo cárcere provincial e abstívose no convenio coa Xunta para a obtención de terreos e execución de accesos con vistas á ampliación do CHUAC. O convenio transaccional sobre a cadea foi rexeitado polo Pleno ao contar só cos votos favorábeis dun grupo municipal, o socialista.

Achegamos a seguir a avalición que lle merece ao portavoz do BNG en María Pita, Francisco Jorquera, o Acordo Extraxudicial entre o Goberno Local e a Sociedade estatal de Equipamentos Penitenciarios en relación ao antigo cárcere provincial.

O Goberno Local ocultounos a mantenta o convenio que lle enviou o Estado sobre o antigo cárcere provincial. Non toleraremos que se pague 1,2 millóns de euros por un inmóbel en ruínas ubicado en terreos que eran e son da cidade. Dío claramente neste vídeo Avia Veira.

O 3 de decembro de 2020, o Pleno do Concello encargou ao Goberno Local, ao aprobar unha moción do BNG, que establecese negociacións co Estado para conseguir a cesión do antigo cárcere ao Concello, unha vez rehabilitado. A iniciativa emprazaba tamén o Executivo coruñés a que demandase do Goberno central o correcto mantemento do centro penitenciario, un edificio de grande valor arquitectónico e simbólico –nel estiveron internados centos de presos políticos durante o franquismo- que ameaza ruína polo estado de abandono en que se atopa. A degradación da vella prisión ten un impacto brutal na contorna da Torre de Hércules, patrimonio da Humanidade e símbolo da nosa cidade.

O Goberno Local iniciou os “primeiros contactos” co Goberno do Estado para lograr a cesión do antigo cárcere provincial durante a recente visita á nosa cidade do secretario de Estado de Memoria Democrática, Fernando Martínez.