Novas

Para o grupo municipal do BNG, é “lamentábel que en pleno século XXI a Xunta pense nos accesos ao CHUAC unicamente en clave de vehículo privado”, afirma a concelleira nacionalista Avia Veira a xeito de avaliación de urxencia a respecto dos plans do Goberno Galego para a construción dunha nova estrutura elevada de enlace co hospital.

A parlamentar do BNG Mercedes Queixas rexistrou iniciativas na Cámara galega –unha pregunta oral e outra por escrito- por medio das cales urxe a Xunta a que faga xestións ante o Goberno do Estado para axilizar o cobro das compensacións por parte dos mariscadores da Ría do Burgo afectados polas obras de dragaxe.

O aínda titular do Goberno galego, Alberto Núñez Feixoo, protagonizou este venres un Consello da Xunta na nosa cidade cun carácter exclusivamente propagandístico, moi a ton co que ten sido a súa presidencia.

A concelleira de Medio Ambiente, Esther Fontán, dixo esta tarde, no Pleno do Concello, que o Goberno Local continúa a defender o modelo húmido-seco de recollida de residuos propio de Nostián (a separación faise en planta e hai 4 contentores de lixo), mais o PSOE votou no Congreso contra unha emenda do BNG á Lei de Residuos que si o preservaba.

O Pleno ordinario do mes de abril aprobou por unanimidade a moción coa que o BNG trasladaba ao Concello demandas dos colectivos de maiores Asociación Provincial Coruñesa de Xubilados e Pensionistas en Acción e Grupo de Xubilados e Pensionistas de Cigarreiras e Tabaqueiros. A iniciativa incorporaba tamén algunhas das queixas e reivindicacións contra a exclusión financeira recollidas no espazo dixital O Novo Normal, argumento da concentración que un nutrido grupo de persoas protagonizou o pasado domingo na Praza de Pontevedra.

O Pleno do Concello, a proposta do BNG, realizou hoxe unha Declaración Institucional por medio da cal se insta o Goberno do Estado a que cumpra o seu compromiso de descender ao buque Villa de Pitanxo para “elaborar un traballo fotográfico e audiovisual sobre o seu estado, así como recoñecer a súa contorna e a zona exterior do buque para verificar a localización dos corpos dos tripulantes desaparecidos”.

A “falta de vontade política” é a que explica por que o Goberno Local non fechou ningún acordo coa SAREB para incorporar ao Parque Municipal de Vivendas os inmóbeis que o coñecido como banco malo ten na nosa nosa cidade.

Para o grupo municipal do BNG, as medidas anti-crise adoptadas recentemente polo Goberno central son claramente insuficientes, de aí que o portavoz nacionalista Francisco Jorquera vaia defender no Pleno deste xoves unha moción a conter medidas que si combaterían realmente a escalada dos prezos.

O grupo municipal do BNG ten “serias dúbidas” de que o Goberno Local teña unha estratexia para “resolver os problemas do lixo en todos os seus aspectos: limpeza, recollida e tratamento”, afirma o portavoz nacionalista en María Pita, Francisco Jorquera.

Un espazo público verdadeiramente democrático é aquel feito á medida das persoas, accesíbel a todas e todos por igual, con independencia da súa idade e condición. Camiñar cara ese modelo de calidade urbana pasa, entre outras cousas, por facer unha cidade o máis vivíbel posíbel para as persoas maiores. É por isto que o BNG incorpora nunha moción propostas de dous colectivos de maiores cos que a formación nacionalista mantivo encontros recentes. A iniciativa vaina defender o noso voceiro en María Pita, Francisco Jorquera, no Pleno do vindeiro 7A.