Situación económica do Concello

O grupo municipal do BNG pídelle ao Goberno Local que lle facilite informes dos órganos asesores do Pleno -Intervención, Oficina Orzamentaria e Tesouraría- para ver se se pode dar por resolta a “seria” situación económica do Concello.

A abstención do BNG no trámite da aprobación definitiva do Plan Municipal de Xestión e Prevención de residuos do Concello da Coruña, neste Pleno do mes de xuño, puxo en evidencia que o Goberno Local non contará co apoio da formación nacionalista mentres continúe sen presentar unha solución ao burato económico do Concello (un déficit de 12 millóns de euros na liquidación do orzamento de 2025, cun remanente negativo de tesouraría superior aos 9 millóns).

O BNG non vai apoiar ningún dos asuntos que o Goberno Local leve a Pleno mentres non se poña sobre a mesa unha solución para o burato económico do Concello.

No curso do Pleno de maio, e ante o burato detectado nas contas do Concello, o portavoz do BNG en María Pita, Francisco Jorquera, pídelle ao Goberno Local que "presente sen demora un  Plan Económico e Financeiro", tal e como está obrigado pola lexislación.

 

Unha vez que se coñecen os resultados da liquidación do orzamento 2025 e o informe do interventor -asunto que irá a Pleno o vindeiro xoves como un punto específico da orde do día- o BNG quer expresar a súa preocupación.

O BNG insta o Goberno de Inés Rey a que mova ficha e esclareza como pensa resolver o burato do orzamento do Concello de 2025 (un desaxuste de 16 millóns de euros nos ingresos, un déficit de case 10 no remanente líquido de tesouraría).

O resultado orzamentario do Concello -de acordo coa liquidación das contas de 2025- deita un balance negativo de máis de 16 millóns de euros.

Na sesión de control do Pleno deste xoves, o portavoz do BNG en María Pita, Francisco Jorquera, vaille formular unha pregunta oral ao Executivo coruñés sobre a situación económica do Concello.