Bloque Nacionalista Galego da Coruña pleno de 14 de decembro de 2023

pleno de 14 de decembro de 2023
Vídeo
Queixas alerta o Goberno Local sobre os problemas da Sinfónica e a Escola Municipal de Música

Queixas alerta o Goberno Local sobre os problemas da Sinfónica e a Escola Municipal de Música

15/dec./2023

Na sesión de control ao Goberno Local durante o #PlenoDecembro, a concelleira do BNG Mercedes Queixas alertou o Executivo coruñés sobre os problemas que arrastran a Orquestra Sinfónica de Galiza -coa concesionaria do Pazo da Ópera a ter as instalacións en más condicións- e a Escola Municipal de Música -co convenio de xestión que vai caducar este mes de decembro sen que nada se saiba sobre unha nova encomenda que garanta o desenvolvemento do proxecto académico e o pagamento dos salarios ao cadro de persoal.

Queixas criticou que, após 6 meses de ter comezado o actual mandato, a alcaldesa non teña convocado aínda a Xunta de Goberno do Consorcio para a Promoción da Música, órgano de que o BNG fai parte, precisamente para abordar estes problemas.

Ler novas
Novas
Complexo Deportivo do Castrillón.

Jorquera insta o Goberno Local a que actúe no Centro Deportivo do Castrillón: mal servizo e represalias ao persoal

11/dec./2023
A firma que foi contratada pola Empresa Municipal de Vivenda, Servizos e Actividades (EMVSA) para xestionar o Centro Deportivo do Castrillón está a prestar o seu servizo de forma moi deficiente e, alén diso, está a lesionar os dereitos fundamentais do seu cadro de persoal ao adoptar represalias contra traballadoras e traballadores por teren denunciado o mal funcionamento do complexo.
Ler novas
Novas
David Soto sostendo o gráfico sobre a evolución das comisións de servizos no Concello durante os últimos mandatos.

David Soto faise eco das críticas da Xunta de Persoal ao proceso de elaboración da RPT

07/dec./2023
O BNG continúa o seu labor de fiscalización da xestión do persoal do Concello que se realiza desde o Goberno Local e, nese sentido, o concelleiro nacionalista David Soto rexistrou unha pregunta oral para o Pleno do vindeiro xoves 14D en que inquire o Executivo coruñés sobre as críticas formuladas pola representación das traballadoras/es municipais ao proceso de elaboración dunha nova RPT (Relación de Postos de Traballo).
Ler novas