Bloque Nacionalista Galego da Coruña Novas

Novas
Rolda de prensa avaliación debate das emendas parciais aos orzamentos xerais do Estado. Néstor Rego e Francisco Jorquera.

Néstor Rego lamenta que os orzamentos do Estado non contemplasen as "demandas históricas da Coruña"

11/dec./2020
“Os orzamentos xerais do Estado para 2021 non lle deron cabida ás demandas históricas da Coruña e o seu debate deixa nun mal lugar os deputados e deputadas galegos do PSOE e Unidas Podemos que non tiveron a decencia de defender esas reivindicacións no Congreso e que tampouco foron quen de dar o seu voto ás nosas emendas”, afirmou hoxe na Coruña o portavoz do BNG no Congreso, Néstor Rego.
Ler novas
Asinatura Acordo Ordenanzas Fiscais. Francisco Jorquera, José Manuel Lage, María García.

O BNG acorda con PSdeG e Marea eximir de taxas a hostelaría, o comercio e as actividades culturais

10/dec./2020
Os portavoces dos grupos municipais de BNG, PSdeG e a Marea Atlántica –Francisco Jorquera, José Manuel Lage e María García- asinaron esta maña un “Acordo sobre as Ordenanzas Fiscais do Concello da Coruña” que recolle as propostas da formación nacionalista e tamén boa parte das achegas que a esta lle trasladaron o colectivo de hosteleiras e hosteleiros co que mantivo un encontro en María Pita o pasado luns.
Ler novas
Reunión na Confraría

O PP só aceptaba que a Xunta puxese 10% das axudas ás mariscadoras durante a dragaxe da Ría do Burgo

04/dec./2020
Os votos do PP serviron para que a Comisión de Pesca do Parlamento da Galiza rexeitase hoxe unha iniciativa do BNG a través da cal a formación nacionalista demandaba que a Xunta compensase economicamente o colectivo de mariscadoras e mariscadores durante o tempo en que se realizará a dragaxe da Ría do Burgo e en que, consecuentemente, non poderán desempeñar a súa actividade profesional.
Ler novas
Pleno decembro 2020. Avia Veira e Francisco Jorquera

Respaldo do Pleno de decembro ás tres mocións do BNG

03/dec./2020
O Pleno do Concello da Coruña deu luz verde este xoves 3D ás tres mocións do BNG sometidas a debate: sobre a cesión ao Concello do antigo cárcere (previa rehabilitación do edificio por parte do Estado), verbo da constitución do Consello Económico e Social e sobre o uso do Pazo de Meirás como Centro da Memoria Democrática da Galiza. As dúas primeiras iniciativas foron aprobadas por unanimidade, en tanto que a terceira colleitou o voto afirmativo de Marea Atlántica e PSdeG-PSOE e a abstención do PP.
Ler novas