Novas

PP e PSdeG acaban de tombar no Parlamento galego a proposición non de lei presentada polo BNG para instar a Xunta a someter o Plan Especial de Labañou M-18 -coñecido popularmente como “As Percebeiras”- ao procedemento de avaliación ambiental estratéxica ordinaria, e non pola vía simplificada como está previsto, co obxectivo de poder avaliar así pormenorizadamente un plan que vai ter un “impacto terríbel” na fachada litoral e na paisaxe urbana da cidade.

O BNG e a Confraría de Pescadores da Coruña, na que se integran as agrupación de mariscadoras e mariscadores, trasladaron á Comisión Europea os novos retrasos sobre o saneamento integral da Ría do Burgo, xa que o proxecto de rexeneración deste espazo aínda non está publicado no BOE. Esta información incorpórase á denuncia aberta na Comisión de Peticións presentada pola Confraría da Coruña en 2012 e despois de que unha misión de investigación integrada por eurodeputadas e eurodeputados viaxou á Ría do Burgo para coñecer in situ o grao de contaminación existente e a cantidade de lodos acumulados durante anos.

Unha tenda da rúa do Orzán, o Montegrappa Bazar, brindouse este xoves para acoller a apresentación da campaña do BNG “Mellor Local, Mellor Galego”, un conxunto de accións que desenvolve a formación nacionalista en apoio ao comercio de proximidade.

O portavoz do BNG en María Pita, Francisco Jorquera, celebra que na Comisión do Bordo Litoral realizada esta mañá se constatase a existencia de consenso entre os distintos grupos municipais a respecto de cuestións básicas para a formación nacionalista, tales como que o Estado comprometa fondos para levar a cabo a transformación dos terreos portuarios por unha cantidade equivalente á débeda contraída pola Autoridade Portuaria pola construción da dársena exterior e a imprescindíbel conexión ferroviaria con Punta Langosteira.

Reproducimos a seguir o artigo que o noso portavoz en María Pita, Francisco Jorquera, publica este martes 15 de decembro nas páxinas de La Opinión de A Coruña en relación ao Acordo sobre as Ordenanzas Fiscais asinado o pasado xoves 10D cos grupos municipais do PSdeG-PSOE e a Marea Atlántica.

Os contedores do lixo entre as rúas Trompeta e Florida, unha área da cidade en que se concentran múltiples locais de hostalaría, constitúen a partir de primeira hora da tarde pouco menos que unha sorte de vertedoiro incontrolado de residuos (moitos deles produtos perecedeiros).

Un vídeo que acaba de lanzar o BNG da Coruña -9 planos e apenas 46 segundos de duración- bastan para mostrar que os orzamentos da Xunta da Galiza lle volven virar as costas á Coruña, e desta vez en plena pandemia.

A concelleira do BNG Avia Veira xulga “vergoñento” que o gabinete presidido por Inés Rey non teña levado aínda á Xunta de Goberno Local o inicio do proceso que debe levar a licitar un novo contrato para aquelas bibliotecas municipais cuxo servizo se presta en réxime de concesión.

#NoPleno Que propuña o PP no Pleno sobre as Ordenanzas Fiscais do 10 de decembro de 2020? Pois basicamente que o Concello fixese o que o propio PP non fai á fronte da Xunta da Galiza. O noso portavoz Francisco Jorquera desvéndao nesta intervención plenaria.