Á concentración asistiron o portavoz do BNG en María Pita, Francisco Jorquera, a concelleira Avia Veira e a nosa deputada no Parlamento galego Mercedes Queixas, ben como o noso responsábel local, David Soto.

"Non é unha guerra, é un masacre", "Os sionistas son os terroristas" ou "Galiza, Palestina, solidariedade!" foron algúns dos cánticos coreados pola numerosa concorrencia a esta concentración, con especial destaque para a colonia palestina que mora na nosa cidade.

Cumpre lembrar que o noso deputado no Congreso Néstor Rego xa presentou unha iniciativa no Congreso para o Goberno do Estado desenvolver cantas accións sexan precisas, desde as diplomáticas até sancións económicas, para forzar a Tel Aviv a cesar na súa campaña xenocida.