Novas

Solicitamos por escrito o proxecto de orzamentos e o Goberno local contestounos que “o expediente administrativo do Orzamento Xeral do Concello para 2019 atópase na fase de elaboración dos diferentes estados que forman parte do mesmo, non existindo documentación con carácter definitivo que poida ser trasladada”

Non ter os orzamentos elaborados e rematados a tempo para comezar coas negociacións, supón poñer en risco os investimentos de 2019 -en rúas, en instalacións municipais, nos Mercados Municipais, nos CEIP etc-, deixar no aire os convenios coas entidades para o vindeiro ano, comprometendo os servizos que ofrecen estas e que son fundamentais entre outras para posibilitar a conciliación da vida familiar e laboral ou para soster servizos a persoas con diversidade funcional ou con discapacidade

Para nós, dentro das competencias municipais, as claves son: priorizar os peóns, reforzar o transporte público aumentando os horarios, reordenando as liñas e instalando carril bus; construír aparcamentos disuasorios ben conectados e, con esas alternativas para deixar o coche na casa, traballar na restrición do coche privado na cidade aumentado o espazo público para as persoas construíndo unha cidade máis segura e na que tanto as bicicletas como os peóns –independentemente da súa condición física, económica ou de idade– poidan empregar o espazo público de maneira igualitaria

Os efectos de darlle a volta ao modelo de mobilidade van desde o eido medioambiental, na calidade do ambiente; no eido da saúde ao promover a mobilidade e a pé; até o eido do comercio ao promover un maior espazo público de calidade nos barrios

Instamos hoxe na Comisión de Mobilidade ao Goberno local a que, no curto prazo, elabore un protocolo de actuación para vindeiros atascos analizando a posibilidade de abrir a Mariña, traballar na sinalización dos semáforos e a regulación con Policía Local

Mantivemos unha reunión de traballo con Acouga para fortalecer a colaboracións en asuntos como a estafa da electricidade ou a concentración bancaria

Tamén abordamos xunto a organización de persoas consumidoras, entre outros temas, o incremento das peaxes nas autoestradas, os prezos dos carburantes ou as consecuencias da Mina de Touro

É un disparate que un país excedentario en produción enerxética, onde cada veciño ten preto da casa unha torreta de alta tensión, esteamos falando de que empresas como Alcoa poden pechar polo prezo da luz; por iso o BNG está facendo unha campaña sobre electricidade, sinalando tamén as consecuencias dunha fiscalidade tan alta

Lembramos a perda de referencialidade que tivo A Coruña como sede financeira ao perder o país músculo financeiro coa venda, a prezo de saldo, do que na actualidade é Abanca, así como nas consecuencias que ten hoxe en día a concentración bancaria

Francisco Jorquera e Avia Veira mantiveron unha reunión con cadro de persoal da empresa.

Propoñemos máis de 30 millóns en investimentos para a comarca e cidade da Coruña para darlle a volta aos recortes que supoñen os orzamentos da Xunta do ano 2019

Centramos as nosas emendas aos orzamentos nas partidas en materia sanitaria e na rexeneración da Ría do Burgo, mais tamén para servizos sociais, ensino e educación, infraestruturas e emprego e industrialización, nomeadamente neste ultimo caso, para a defensa dos postos de traballo de Alcoa

Presentamos o venres 23 de novembro, diante do centro hospitalario Abente e Lago, as nosas propostas nunha rolda de prensa na que participaron a nosa deputada no Parlamento de Galiza Montse Prado e o noso candidato á alcaldía da Coruña Francisco Jorquera

Avanzamos o noso posicionamento en contra á proposta de modificativo M4/2018 que consiste en gastar 15 millóns de euros do remanente de 2017 no pagamento de débeda no canto de en investimentos

Consideramos imprescindíbel e unha necesidade urxente os investimentos na cidade e entendemos como unha absoluta falta de dilixencia que o Executivo da Marea Atlántica actuase de xeito previsor e eficaz

Xa é un despropósito que haxa 17,4 millóns de remanente na liquidación do orzamento de 2017 porque significa que non se investiu na cidade. Pero as escusas do goberno a respecto de por que van ir o total dos cartos do remanente ao pagamento de débeda na vez que destinalo a investimentos responden a un pasotismo e a unha falta de previsión total: faltou dilixencia do Goberno municipal en cumprir co período medio de pagamento a provedores e non se realizou un esforzo para o cumprimento co período medio de pagamento nalgún dos meses transcorridos desde xuño, que foi o momento desde o que se dispuxo deste remanente de tesouraría

É absurdo que a Marea Atlántica estea máis preocupada de procurar financiamento noutras Administracións cando non é quen de investir os seus propios recursos na cidade

Desde o BNG cremos firmemente que hai que defender o futuro do sector industrial na nosa cidade en conxunto: hoxe ademais dos 400 empregos en xogo na planta de Alcoa, hai 85 familias que dependen da continuidade da factoría Isowat”

Denuciamos o saqueo sistemático que sufriu a antiga Isolux Galicia e salienta que se trata dunha planta altamente rendíbel, que recibiu cartos públicos en axudas, con carga de traballo para os vindeiros anos, pioneira tanto pola formación e experiencia do seu cadro de persoal como pola súas patentes grazas ás cales os seus produtos son solicitados internacionalmente

Levaremos ao Pleno do mes de decembro unha moción que rexistraremos nos vindeiros días para que a Corporación faga fronte común en defensa dos 85 empregados e empregadas que hoxe en día levan seis meses sen cobrar pola situación económica de Isowat

Para que acordou o Goberno da Marea Atlántica a caducidade da concesión do transporte publico hai dous anos se non tiña realmente unha proposta alternativa e co obxecto de facer unha nova licitación? Para nós é un fracaso político porque entendemos que podería ter sido unha transformación radical da mobilidade na Coruña

Denucniamos que o Executivo local amosa coa decisión de dar continuidade á concesión da Compañía de Tranvías que non ten un plan para a mobilidade na cidade e que renuncia a telo para o que queda de mandato

 Entendemos que o concelleiro de Mobilidade Sostíbel Daniel Díaz Grandío enganou durante todo este tempo nas súas intervencións nas que se gababa do acordo da caducidade da concesión e de estar traballando nos pregos dunha nova e acusámolo dunha “fuxida cara diante” que será resolta pola próxima corporación que saia das eleccións municipais de 2019

Trasladamos ao próximo Pleno unha iniciativa na que nos interesamos polo deterioro deste edificio

Constatamos a aparición de pingueiras nos andares interiores deste edificio e xa anunciamos que solicitaremos a inclusión de investimentos nos orzamentos municipais de 2019 para a reforma e modernización das instalacións

Tendo en conta de que se achega o inverno e, por conseguinte, a época de chuvias, demandamos actuacións inmediatas, alén da colocación dun cubo para as pingueiras, xa que a situación é insostíbel, tanto para as persoas traballadoras da instalación como para as persoas usuarias e o alumnado da Escola

É escandaloso que a xestión dos procedementos sancionadores por infraccións de tráfico siga privatizada por unha licitación realizada por EMVSA

Aledámonos do impulso ao complexo deportivo do Castrillón mais volvemos criticar que as dimensións do vaso de auga da piscina non respectan as Normas NIDE nin recollen a construción dun vaso de chapuzar para as máis pequenas e os máis pequenos