Novas

"Luces e sombras". Esa é a expresión coa que Francisco Jorquera, portavoz nacionalista en María Pita, define o balance do Goberno Local cando se cumpre o primeiro aniversario das eleccións municipais de 2019, uns comicios que reforzaron, con máis apoio popular, a presenza da formación soberanista no Concello.

O Consello Nacional do BNG, nunha reunión telemática sen precedentes, decidiu este sábado revalidar as candidaturas coas que a formación soberanista concorrerá ás eleccións ao Parlamento de Galiza o próximo 12 de xullo. Son, por tanto, as mesmas listas coas que ía afrontar os comicios inicialmente previstos para o 5 de abril, cita electoral que ficou adiada pola crise do coronavirus. A nosa cidade estará representada por Mercedes Queixas, profesora, escritora e  correspondente da Real Academia Galega, e por Rubén Gasalla, membro da sección sindical da CIG en Inditex, números 3 e 23 da lista, respectivamente.

 O BNG vai dirixir unha pregunta oral ao Goberno Local no próximo pleno do Concello, axendado para o xoves 4 de xuño, a respecto de como ve a proposta de convenio realizada pola Xunta para a ampliación do CHUAC.

O grupo municipal do BNG avalía como positiva a declaración da Coruña como Cidade 30, unha medida adoptada este mércores pola Xunta de Goberno Local despois de que o portavoz da formación nacionalista en María Pita, Francisco Jorquera, urxise a súa posta en práctica o pasado 4 de maio.

O portavoz do BNG en María Pita, Francisco Jorquera, instou hoxe o Goberno Local a que dea impulso aos traballos de elaboración do plan de choque de medidas socio-económicas do concello contra a Covid-19 para que se poda levar a pleno no que queda de mes.

A concelleira do BNG Avia Veira inquiriu esta tarde ao responsábel de Urbanismo do Goberno Local, Juan Díaz Villoslada, sobre cando pensa cumprir o executivo coruñés o compromiso ao que chegou coa formación nacionalista no Acordo de Mandato en relación coa veciñanza afectada polo Parque Ofimático.

Luz verde do Pleno do Concello ás tres mocións do BNG que se someteron a debate este xoves, na primeira das sesións plenarias que se realizan en María Pita desde que se decretou o Estado de Alarma. As iniciativas tiñan como argumentos a elaboración dun plan galego de reactivación económica, a repartición controlada e segura de máscaras e luvas e a situación criada após a venda especulativa de Alu Ibérica por parte de Parter Capital ao Grupo Riesgo.

O portavoz do BNG en María Pita Francisco Jorquera vai formular un rogo no pleno deste xoves 14M para unha persoa en representación das traballadoras e traballadores de Emalcsa poder asistir ao Consello de Administración desta empresa municipal.

A concelleira do BNG Avia Veira vaille dirixir unha pregunta ao Goberno Local, no Pleno deste próximo xoves, en relación á convocatoria de axudas de bono-taxi para as persoas con mobilidade reducida.

O portavoz do BNG en María Pita Francisco Jorquera vai defender no Pleno do Concello deste xoves 14M unha moción para esixir a derrogación da Lei Montoro, un texto legal aínda en vigor que impide ao concello da Coruña destinar o seu superávit orzamentario a combater os efectos socio-económicos da crise da Covid-19.