Novas

O grupo municipal do BNG rexistrou unha moción para o seu debate no Pleno do vindeiro 2 de xullo co propósito de que a Corporación se dirixa ao Parlamento galego para que este constitúa unha Comisión de Investigación sobre a xestión da crise sanitaria da Covid-19 feita polas residencias de maiores.

A concelleira do BNG Avia Veira dirixiu unha pregunta por escrito ao Goberno Local para coñecer as razóns que este ano levaron o Goberno Local a non pendurar, a principios do mes de xuño, a bandeira do colectivo LGTBQi na fachada do palacio de María Pita, xesto simbólico para conmemorar o Día Internacional do Orgullo. 

Reproducimos a seguir a entrevista a Mercedes Queixas, a nosa candidata número 3 pola Coruña, que apareceu publicada no dixital Entre Nós.

Vaino defender no Pleno do vindeiro 2 de xullo o portavoz do BNG, Francisco Jorquera. Neste momento, segundo as investigacións desenvolvidas por axentes do Seprona, existe un vertedoiro con máis de 750 pneumáticos nunha zona de monte baixo en Penama onde, apunta o voceiro nacionalista, "dende finais de 2018 era habitual o abandono deste tipo de residuos para seren, moitas veces, queimados pola noite".

A candidata número 3 do BNG pola provincia da Coruña nas eleccións do vindeiro 12 de xullo, Mercedes Queixas, visitou na tarde de hoxe o tradicional feirón de Sada acompañada da concelleira de Promoción Económica, Turismo e Emprego, a tamén nacionalista Laura Rodríguez Pena. Canda elas estivo tamén o número 6 da candidatura, o sadense Carlos Babío.

O Regulamento das Escolas Infantís Municipais -aprobado o pasado mes de maio polo Pleno do Concello- é, en expresión de Avia Veira, é "pouco ambicioso".

O grupo municipal do Bloque Nacionalista Galego rexistrou unha moción para o seu debate e votación no Pleno do próximo 2 de xullo en que se insta o Goberno Local a que tome as medidas precisas "co obxecto de poñer fin á ocupación ilegal dos bloques de vivendas de Epamar en Palavea". A iniciativa vaina defender o portavoz nacionalista, Francisco Jorquera. 

O voceiro do BNG en María Pita participou no serán do 16 de xuño nunha concentración veciñal en protesta polo anuncio de peche dunha oficina de Abanca no barrio do Castrillón. A mobilización tivo lugar na Praza da Concordia, fronte á sucursal. Durante o seu transcurso Francisco Jorquera anunciou que levará o asunto ao próximo Pleno ordinario do Concello, a se realizar o xoves 2 de xullo. O Goberno Local debe presionar politicamente para que a entidade financeira, no seu tempo rescatada con cuantiosos fondos públicos, reconsidere a súa decisión.

Será unha pregunta oral no próximo pleno ordinario a realizar pola Corporación (o vindeiro xoves 2 de xullo) e vaina formular o portavoz do BNG en María Pita, Francisco Jorquera.

Nunha pregunta por escrito ao Goberno Local, que achegamos, o noso portavoz en María Pita, Francisco Jorquera, denuncia que durante a pandemia "moitas persoas pertencentes ao cadro persoal do Concello e que se viron na necesidade de teletraballar tiveron que usar os seus propios equipos e os seus propios servidores de acceso a Internet ante a insuficiencia de medios do Concello".