Novas

O Consello Superior de Deportes tomou partido pola Liga de Fútbol Profesional no canto de actuar como mediador entre as distintas partes en conflito e a súa actuación prexudica claramente os intereses do Deportivo, afirma Francisco Jorquera como primeira valoración do encontro habido esta tarde entre o CSD, a LFP e a Federación Española de Fútbol.

A concelleira do BNG Avia Veira acaba de rexistrar un rogo oral, para a súa defensa no Pleno do vindeiro 10 de setembro, a medio do cal pídelle ao Goberno Local que revitalice a Escola Municipal de Música (EMM), democratice o seu funcionamento interno e adapte as súas infraestruturas ás necesidades decorrentes da Covid-19.

O noso portavoz en María Pita, Francisco Jorquera, mantivo esta mañá un encontro con José Antonio Vázquez Freire, presidente de CEGASAL, entidade que agrupa os centros especiais de emprego sen ánimo de lucro.

A concelleira do BNG Avia Veira rexistrou este luns unha moción para o seu debate e votación no próximo pleno da corporación –programado para o 10 de setembro- visando que o Concello rexeite o protocolo COVID-19 para o ensino imposto unilateralmente pola Xunta sen o ter negociado coa comunidade educativa.

O portavoz do BNG en María Pita, Francisco Jorquera, dirixiu unha pregunta por escrito ao Goberno Local para que este se dirixa á Cruz Vermella visando que esta ONG reconsidere o peche do seu centro de día na Coruña.

O portavoz do BNG en María Pita, Francisco Jorquera, rexistrou este venres unha pregunta por escrito ao Goberno Local para saber que accións pensa emprender ante a “rotura unilateral” do convenio co Consorcio de Turismo por parte de Vueling, compañía que tomou a decisión de suprimir os voos a Heathrow desde A Coruña no que queda de ano.

“Estamos ante unha rotura unilateral das condicións do convenio co Consorcio de Turismo por parte de Vueling”, considera o portavoz do BNG en María Pita, Francisco Jorquera, ao coñecer que a compañía decidiu suprimir os voos a Londres desde Alvedro no que resta de ano.

A Comisión de Dereitos Humanos de Filipinas dálle a razón a familiares e amizades do cidadán coruñés Diego Bello ao concluír, após realizar unha investigación independente, que a súa morte foi unha "execución extraxudicial", isto é, un asasinato. É por iso que Francisco Jorquera pide que se intensifiquen as presións políticas sobre Manila visando conseguir

O portavoz do BNG en María Pita, Francisco Jorquera, rexistrou unha pregunta por escrito ao Goberno Local a medio da cal interpela o executivo coruñés sobre que accións vai emprender á vista do informe emitido pola Comisión de Dereitos Humanos en relación ao asasinato de Diego Bello.

A Comisión de Dereitos Humanos de Filipinas cuestiona a versión oficial sobre o asasinato do cidadán coruñés Diego Bello e conclúe que a súa morte, ocorrida o pasado 7 de xaneiro, podería considerarse como “unha execución extraxudicial” perpetrada por un operativo da policía filipina. Así aparece nun informe desta comisión, un órgano creado ao amparo da Constitución do país asiático. Vistas as conclusións deste traballo, o BNG vai rexistrar iniciativas no Concello e no Congreso para que se intensifiquen as presións políticas do Estado español sobre Manila visando que se faga xustiza e se xulgue os asasinos de Bello.